តាកែវៈ នៅម៉ោង ១១ និង ៣០នាទីព្រឹកថ្ងៃ០៩ ខែឧសភា ឆ្នាំ២០១៩ សមត្ថកិច្ច បានចុះបង្ក្រាបមុខសញ្ញាជួញដូរ និងប្រើប្រាស់សារធាតុញៀន នៅលំនៅដ្ឋានមួយកន្លែង ក្នុងភូមិព្រិច សង្កាត់រកាក្រៅ ក្រុង/ខេត្តតាកែវ។

ប្រតិបត្តិការនេះ ឃាត់ខ្លួនជនសង្ស័យបានចំនួន ០៣នាក់ រួមមាន៖
១. ឈ្មោះ ឃី ហាន់ហ្វា ភេទប្រុស អាយុ ១៩ឆ្នាំ មុខរបរមិនពិតប្រាកដ
២. ឈ្មោះ ខាន់ ធឿន ភេទប្រុស អាយុ ១៩ឆ្នាំ មុខរបរមិនពិតប្រាកដ
៣. ឈ្មោះ សេង ឡុង ភេទប្រុស អាយុ ២០ឆ្នាំ មុខរបរ មិនពិតប្រាកដ ខណៈម្ចាស់ផ្ទះ រត់គេចខ្លួនបាត់។

វត្ថុតាងដកហូតបាន រួមមាន៖
-ម្សៅក្រាមសថ្លាចំនួន ៤៦កញ្ចប់
-សម្ភារ:សេពថ្នាំញៀនមួយចំនួនធំ
-ទូរស័ព្ទ ០៣គ្រឿង និងស្លាកលេខម៉ូតូចំនួន ០៣ ។

បច្ចុប្បន្នជនសង្ស័យ និងវត្ថុតាង ត្រូវបានការិយាល័យជំនាញ កសាងសំណុំរឿង បញ្ជូនទៅសាលាដំបូងខេត្តតាកែវ ដើម្បីចាត់ការតាមច្បាប់៕