Post News Media ព័ត៌មានជាតិ Update៖ អគ្គិ...

Update៖ អគ្គិភ័យឆាបឆេះស្ថានីយ៏ប្រេងឥន្ទន: Sokimex ក្នុងក្រុងច្បារមន

កំពង់ស្ពឺ: អគ្គិភ័យមួយបានឆាបឆេះ ស្ថានីយ៏ប្រេងឥន្ទន: Sokimex យ៉ាងសន្ធោសន្ធៅ ផ្តើម​ចេញ​ពីកម្មករ កាត់ និងផ្សារដំបូលដែក បង្ករឲ្យមានការភ្ញាក់ផ្អើលយ៉ាងខ្លាំង ដល់បងប្អូនប្រជាពលរដ្ឋរួមនឹង​កម្លាំងសមត្ថកិច្ចចុះមកធ្វើការអន្តរាគមន៏ ។ ហេតុការណ៏នេះបានកើតឡើងកាលពីវេលាម៉ោង ១០និង ២០នាទី ថ្ងៃទី១ ខែកញ្ញា ឆ្នាំ ២០១៦ ស្ថិតនៅក្នុង ភូមិក្រាំងពលទេព សង្កាត់រកាធំ ក្រុងច្បារមន ខេត្តកំពង់ស្ពឺ ។

សមត្ថកិច្ចបានឲ្យដឹងថា ម្ចាស់ស្ថានីយ៏ប្រេងឥន្ទន: ដែលត្រូវបានអគ្គីភ័យឆាបឆេះខាងលើ នេះមានឈ្មោះ អឹង ឈុនទ្រី ភេទប្រុស អាយុ៦៩ឆ្នាំ មានទីលំនៅភូមិឃុំខាងលើ ។ ហើយនៅក្នុងហេតុការណ៏គ្រោះអគ្គិភ័យនេះដែរ សមត្ថកិច្ចបានប្រើប្រាស់រថយន្តក្នុងការបាញ់ពន្លត់អស់ចំនួន ១៤គ្រឿង រួមមានរថយន្តពន្លត់អគ្គិភ័យមកពី​ក្រសួង​មហាផ្ទៃ ស្នងការខេត្តកណ្តាល រថយន្តពន្លត់អគ្គិភ័យរបស់​ស្នងការ​ខេត្តកំពង់​​ស្ពឺ រថយន្តកងពល ង៧០ នឹងរថ​យន្តឯកជន ។ ក្នុងនោះក៏មានការចូលរួមអន្តរាគមន៏សម្រួលដល់ការធ្វើចរាចរណ៏ ពីសំណាក់កំលាំង កងរាជអាវុធ​ហត្ថខេត្តកំពង់ស្ពឺ ចំនួន៩៩នាក់ រថយន្តសង្រ្គោះ ០១គ្រឿង ម៉ូតូ៧គ្រឿង រថយន្តដឹកជញ្ជូន២គ្រឿង និងរថយន្​តស៊ីរ៉ែន៤ គ្រឿង ផងដែរ ។

ចំណែកមូលហេតុដែលផ្តើមឲ្យមានអគ្គិភ័យនេះកើតឡើង ពីបណ្តាលមកពីកម្មករកាត់ និងផ្សារដំបូលដែក រហូតដ​ល់​ម៉ោង ១២និង ៤៥នាទី ទើបក្រុមការងារ របស់រថយន្តពន្លត់អគ្គិភ័យ អាចគ្រប់គ្រងស្ថានការណ៍បានទាំងស្រុង ដោយបង្ករឲ្យមានគ្រោះថ្នាក់ដល់អាយុជីវិតមនុស្សណាម្នាក់នោះឡើយ ។ ចំណែកសម្ភារ:ដែលរងការខូចខាត់មិន​ទាន់​អាចប៉ាន់ស្មានបាននៅឡើយនោះទេ កំពុងតែត្រួតពិនិត្យបន្ត ៕

អគ្គីច្បារមន (1)

អគ្គីច្បារមន (2)

អគ្គីច្បារមន (3)

អគ្គីច្បារមន (4)

អគ្គីច្បារមន (5)

អគ្គីច្បារមន (6)

អគ្គីច្បារមន (7)

អគ្គិភ័យ

អគ្គិភ័យ

អគ្គិភ័យ