ឧត្តរមានជ័យៈ រថយន្ត៤៥កៅអី មួយគ្រឿង បើកបរគេចពីម៉ូតូ មួយគ្រឿង កំពុងបើកខាងមុខ ជ្រុលចង្កូតធ្លាក់ប្រឡាយទឹក តែមិនបង្កឲ្យមានរបួសដល់មនុស្សទេ។
ឧបទ្ទវហេតុនេះ បានកើតឡើង នៅវេលាម៉ោង៨និង៤៥នាទីយប់ ថ្ងៃទី១៣ ខែកក្កដា ឆ្នាំ២០១៦ នៅតាមបណ្តោយផ្លូវជាតិលេខ៦៨ ស្ថិតនៅក្នុងភូមិអូរពក សង្កាត់កូនគ្រៀល ក្រុងសំរោង ខេត្តឧត្តរមានជ័យ បង្កឡើង ដោយខ្លួនឯង។
សមត្ថកិច្ច បានឲ្យដឹងថា អ្នកបើកបររថយន្ដជួបគ្រោះថ្នាក់នេះ មាន ឈ្មោះ ស្រី នាង ភេទប្រុស អាយុ៤០ឆ្នាំ រស់នៅរាជធានីភ្នំពេញ បានបើករថយន្តម៉ាកហ៊ីយ៉ាន់ដាយ ពណ៌ក្រហម ពាក់ស្លាកលេខ ភ្នំពេញ ៣B-៦៩៨៤ ជាប្រភេទដឹកអ្នកដំណើរ ចំណុះ៤៥កៅអី ទិសដៅពីជើង ទៅត្បូង លុះមកដល់ចំណុចកើតហេតុខាងលើ រថយន្តបានគេចពីម៉ូតូ ១គ្រឿងកំពុងបើកខាងមុខ ក៏រេចង្កូតជ្រុលធ្លាក់ប្រឡាយទឹកតែម្តង។ សមត្ថកិច្ចបានឲ្យដឹងថា ករណីនេះ មិនបង្កឲ្យមានរបួសដល់មនុស្សទេ(បើកបរម្នាក់ឯង)៕
មតិយោបល់