ផ្ទះ ព័ត៌មានជាតិ ឈរចែកចាយយ៉ាងស...

ឈរចែកចាយយ៉ាងសង្ហារ ១កញ្ចប់ចំណេញ៥០០០រៀល ប៉ូលិសទៅទាន់ចាប់វាយខ្នោះ

0

ភ្នំពេញ: កម្លាំងជំនាញប៉ុស្តិ៍ទួលសង្កែទី១ បានធ្វើការស្រាវជ្រាវឆ្មក់បង្ក្រាបជាក់ស្ដែង ករណីប្រើប្រាស់ និងជួញដូរដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យម្នាក់។

ហេតុការណ៍នេះ បានកើតឡើងកាលពីវេលាម៉ោង៦ និង២០នាទីព្រលប់ថ្ងៃទី ៧ខែមិថុនា ឆ្នាំ២០១៩ ត្រង់ចំណុចដីវាលក្រុមទី១៤ភូមិផ្សារតូច សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។

ជនសង្ស័យឈ្មោះ យាន ស្រស់ ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកើតហេតុខាងលើ។

សម្ភារ:ដកហូតបានរួមមាន៖ ក្រាមពណ៌សថ្លាចំនួន៧កញ្ចប់ថង់តូច។

តាមចម្លើយសារភាពរបស់ជនសង្ស័យ បានឲ្យដឹងថា ខ្លួនបានយកសារធាតុញៀនទាំងនេះ មកលក់បន្តមែន បើសិនលក់ដាច់ ក្នុងមួយកញ្ចប់តូចចំណេញបាន៥០០០រៀល។

ដោយរូបគេបានទិញពីបុរសម្នាក់ មិនស្គាល់ឈ្មោះ ក្នុងតម្លៃ១,៥០០០រៀល ក្នុង១កញ្ចប់តូច ហើយយកមកលក់វិញ ក្នុងតម្លៃ២០០០០រៀល តែមិនទាន់បានលុយឲ្យម្ចាស់ថ្នាំផង ក៏ត្រូវប៉ូលិសឃាត់ខ្លួនតែម្តង។

បច្ចុប្បន្ន កម្លាំងជំនាញខណ្ឌ កំពុងកសាងសំណុំរឿង បញ្ជូនខ្លួនជនសង្ស័យ ទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី៕

Loading...

Leave a Reply

This site uses Akismet to reduce spam. Learn how your comment data is processed.