Post News Media ព័ត៌មានជាតិ លាន់ឮដូចរន្ទះ...

លាន់ឮដូចរន្ទះ រថយន្តពីរគ្រឿងបុកគ្នា បណ្ដាលឲ្យរងការខូចខាត

កណ្ដាល: កាលពីវេលាម៉ោង ៤និង៤០នាទីរសៀលថ្ងៃទី៨ ខែមិថុនា ឆ្នាំ២០១៩ លើកំណាត់ផ្លូវជាតិលេខ៨ ចន្លោះគីឡូម៉ែត្រលេខ៣០-៣១ ស្ថិតក្នុងភូមិសន្លុង ឃុំសន្លុង ស្រុកខ្សាច់កណ្ដាល មានករណីគ្រោះថ្នាក់ចរាចរណ៍ រវាងរថយន្តពីរគ្រឿងបុកគ្នា បណ្ដាលឲ្យរងការខូចខាតធ្ងន់ធ្ងរ តែមិនបង្កឲ្យមានអ្នករងរបួសនោះទេ។

រថយន្ដបង្កម៉ាក KIA ពណ៌ទឹកសមុទ្រ ពាក់ស្លាកលេខ ក.៦៩៨៨.ភព៣ អ្នកបើកបរមិនស្គាល់អត្តសញ្ញាណ (គេចខ្លួន)។ ចំណែកឯរថយន្ដមួយគ្រឿងទៀត ម៉ាក HYUNDAI ពណ៌ស ពាក់ស្លាកលេខ កំពង់ចាម 3A-4622 បើកបរដោយឈ្មោះ សេង ភាស់ ភេទប្រុស អាយុ៣០ឆ្នាំ មានទីលំនៅភូមិទួល ឃុំស្វាយរពា ស្រុកបរសែត ខេត្តកំពង់ស្ពឺ។

ដំណើររឿង៖ នៅមុនពេលកើតហេតុគេឃើញ រថយន្ដបង្កម៉ាក KIA ធ្វើដំណើរពីត្បូងទៅជើង តាមបណ្ដោយផ្លូវជាតិលេខ៨ មកដល់ចំណកើតហេតុ បានបន្ថែមល្បឿនល្បឿន វ៉ាជែងរថយន្ដមួយគ្រឿងនៅខាងមុខ តែវ៉ាមិនផុត ក៏ជ្រុលទៅបុករថយន្តម៉ាក HYUNDAI បើកច្រាស់ទិសគ្នាពេញមួយទំហឹង បណ្ដាលឲ្យរថយន្ដទាំង២គ្រឿងខូចខាតធ្ងន់ធ្ងរ។

ក្រោយកើតហេតុ សមត្ថកិច្ច បានចុះវាស់វែង និងធ្វើកំណត់ហេតុ យកវត្ថុតាងទៅរក្សាទុកនៅអធិការដ្ឋាននគរបាលស្រុក ដើម្បីចាត់ការតាមនីតិវិធីច្បាប់៕