ព័ត៌មានជាតិ

ឃាត់ខ្លួន​បុរស​២​នាក់​លួច​ផែបណ្តែត​ទឹក​រដ្ឋាករ​ស្វយ័ត​រាជធានី​ភ្នំពេញ​

ភ្នំពេញ: យោងតាមផេកនគរបាលជាតិ បានឲ្យដឹងថា ​កម្លាំង​សមត្ថកិច្ច​ប៉ុស្តិ៍​ទន្លេបាសាក់ សហការ​ជាមួយ​កម្លាំង​នគរបាល​ជើង​ទឹក បាន​បង្ក្រាប​ឃាត់ខ្លួន​ជនសង្ស័យ​ចំនួន​២​នាក់ ករណី​លួច​ផែបណ្តែត​ទឹក របស់​រដ្ឋាករ​ស្វយ័ត​រាជធានី​ភ្នំពេញ ចំណុច​ច្រាំង​ទន្លេបាសាក់​ក្រោយ​ដី​ឡូ​តិ៍​អតីត​ឧ​ត្ត​ម​ក្រុម​ប្រិ​ក្សា​ជាតិ ផ្លូវ​ព្រះ​នរោត្តម ក្រុម​៦០ ភូមិ​១០ សង្កាត់​ទន្លេបាសាក់ ខណ្ឌចម្ការមន ភ្នំពេញ កាលពី​វេលា​ម៉ោង​៩​និង​៣០​នាទី​នៅ​ថ្ងៃទី​១២ ខែមិថុនា ឆ្នាំ​២០១៩ ។​

​ជនសង្ស័យ​មានឈ្មោះ វិ​ន ហ៊ូ​ឌឹ​ក ភេទ​ប្រុស អាយុ​33​ឆ្នាំ ជាតិ​វៀតណាម ទីលំនៅ​មិន​ពិតប្រាកដ មុខរបរ​កម្មករសំណង់ និង​ឈ្មោះ វិត យ៉ាំង សាង ភេទ​ប្រុស អាយុ​៣៣​ឆ្នាំ ជាតិ​វៀតណាម ទីលំនៅ​មិន​ពិតប្រាកដ មុខរបរ​ជាងផ្សារដែក ។​

​បច្ចុប្បន្ន កម្លាំង​ជំនាញ​កសាង​សំណុំរឿង​អនុវត្តតាម​នីតិវិធី ៕

មតិយោបល់