Post News Media ព័ត៌មានជាតិ Update៖ ប្រទះ...

Update៖ ប្រទះឃើញសពនារីម្នាក់ អណ្ដែតទឹកមិនទាន់ដឹងមូលហេតុ

ភ្នំពេញ: សពនារីមិនស្គាល់អត្តសញ្ញាណម្នាក់ ត្រូវបានប្រជាពលរដ្ឋ ប្រទះឃើញអណ្ដែតទឹក តាមបណ្តោយមាត់ទន្លេសាប ចម្ងាយខាងត្បូងស្ពានបាឡេប្រហែល ៣០០ ម៉ែត្រ។

ហេតុការណ៍នេះ បង្កការភ្ញាក់ផ្អើលកាលពីវេលាម៉ោង១ និង៣០នាទីរសៀលថ្ងៃទី១៤ ខែមិថុនា ឆ្នាំ២០១៩ ស្ថិតតាមបណ្តោយម៉ាត់ទន្លេសាបត្រើយខាងកើត ភូមិដើមរគរ សង្កាត់ជ្រោយចង្វារ ខណ្ឌជ្រោយចង្វារ។

សពនារីខាងលើ មិនត្រូវបានគេស្គាល់អត្តសញ្ញាណទេ ស្លៀកខោជើងខោហ្គេន ពណ៌ខ្មៅ ពាក់អាវយឺតដៃវែង ផ្កាប់មុខអណ្តែតទឹក តាមមាត់ទន្លេសាបត្រើយខាងកើត។

តាមប្រភពពីកន្លែងកើតហេតុ បានឲ្យដឹងថា សពខាងលើ ត្រូវបានគេប្រទះឃើញអណ្តែតទឹកទន្លេទីតាំងខាងលើ ហើយបានរាយការណ៍ប្រាប់សមត្ថកិច្ច មកស្រង់ឡើងគោកដើម្បីពិនិត្យ។

បច្ចុប្បន្នសពនារីខាងលើ ត្រូវបានសមត្ថកិច្ចយកទៅតម្កល់ នៅវត្តថ្មីក្នុងខណ្ឌជ្រោចង្វារ ដើម្បីពិនិត្យ និងរង់ចាំសាច់ញាតិ មកទទួលយកទៅធ្វើបុណ្យតាមប្រពៃណី៕