សៀមរាប: នៅថ្ងៃទី១៧ ខែមិថុនា ឆ្នាំ២០១៩ វេលាម៉ោង ៨និង០០នាទី កម្លាំងការិយាល័យស៊ើបអង្កេត និងអនុវត្តនីតិវិធី បានបញ្ជូនជនសង្ស័យចំនួន ០៧នាក់ ដែលសមត្ថកិច្ចឃាត់ខ្លួនកាលពីថ្ងៃទី១៥ ខែមិថុនា ឆ្នាំ២០១៩ ពាក់ព័ន្ធនឹងករណីបើកភ្នាល់ល្បែងស៊ីសងខុសច្បាប់ តាមប្រព័ន្ធអ៊ិនធើណេត ត្រង់ចំណុចប៊ូទិក THE ONE Gardening Boutique Hitel ទៅសាលាដំបូងខេត្តសៀមរាប។

ជនសង្ស័យទាំង ៧នាក់
១-ឈ្មោះ MAO SHENYONG ភេទប្រុស អាយុ ២៩ឆ្នាំ ជនជាតិ ចិន
២-ឈ្មោះ LI MINGHAN ភេទប្រុស អាយុ ២៥ឆ្នាំ ជនជាតិ ចិន
៣-ឈ្មោះ TANG XIAOMING ភេទប្រុស អាយុ ២៩ឆ្នាំ ជនជាតិ ចិន
៤-ឈ្មោះ LIAO YULONG ភេទប្រុស អាយុ ៣០ឆ្នាំ ជនជាតិ ចិន
៥-ឈ្មោះ ZHENG SHUANGJUN ភេទប្រុស អាយុ ២៨ឆ្នាំ ជនជាតិ ចិន
៦-ឈ្មោះ LEI BIN ភេទប្រុស អាយុ ៣២ឆ្នាំ ជនជាតិ ចិន
៧-ឈ្មោះ WANG ZELING ភេទប្រុស អាយុ ៣០ឆ្នាំ ជនជាតិ ចិន។

ក្រោយការសាកសួរជនសង្ស័យទាំង ៧នាក់ ត្រូវបានលោក អ៊ុ ចាន់ថុល ចៅក្រមស៊ើបសួរ នៃសាលាដំបូងខេត្តសៀមរាប សម្រេចចេញដីកាបង្គាប់ឲ្យឃុំខ្លួនបណ្តោះអាសន្ន នៅពន្ធនាគារខេត្តសៀមរាប ដោយចោទប្រកាន់ ពីបទបើកកន្លែងលេងល្បែងស៊ីសងដោយខុសច្បាប់ តាមប្រព័ន្ធអ៊ិនធើណេត៕