ផ្ទះ ព័ត៌មានជាតិ រឿងទិញបន្លែសោ...

រឿងទិញបន្លែសោះ! ឪពុកខឹងចាប់កូនអាយុ ១ឆ្នាំ២ខែបោកទៅនឹងសសរស្លាប់ នៅខេត្តសៀមរាប

0

សៀមរាប: នៅថ្ងៃទី២៧ ខែមិថុនា ឆ្នាំ២០១៩ វេលាម៉ោង ៧និង៣០នាទី មានករណីអំពើហិង្សាដោយចេតនាមានស្ថានទម្ងន់ទោស ដោយឪពុកបង្កើតបានបោកកូននឹងសសរផ្ទះបាយ បណ្តាលឲ្យសន្លប់បាត់ស្មារតី ហើយកំពុងសង្រ្គោះបន្ទាន់នៅមន្ទីរពេទ្យកុមារ ។

ជនសង្ស័យឈ្មោះ ផ្លាយ វិភាត់ ភេទប្រុស អាយុ ៣១ឆ្នាំ នៅភូមិតាប្រាក់ ឃុំមានជ័យ ស្រុកប្រាសាទបាគង ខេត្តសៀមរាប បានឈ្លោះប្រកែកគ្នាជាមួយប្រពន្ធ រឿងទិញបន្លែមិនល្អយកមកធ្វើម្ហូប ឈ្លោះគ្នាមួយពីរ ហើយប្រពន្ធដើរទៅយកទឹក ប្តីចាប់លើកកូនរួចយកទៅបោកនឹងសសរផ្ទះបាយបណ្តាលឲ្យកូនសន្លប់មិនដឹងខ្លួន ថែមទាំងយកកាំបិតរកកាប់កូនទៀត ប៉ុន្តែ
បានបងប្អូនស្រែកឃាត់ទើបឈប់ ក្រោយមកបងប្អូនយកជនរងគ្រោះទៅសង្គ្រោះបន្ទាន់មន្ទីរពេទ្យកុមារ ចំណែកជនសង្ស័យបានរត់គេចខ្លួនបាត់។

ជនរងគ្រោះឈ្មោះ ផាង ផល្លា ភេទប្រុស អាយុ ១ឆ្នាំ២ខែ (ស្លាប់) ម្តាយឈ្មោះ សោម សុខុម អាយុ ២៨ឆ្នាំ នៅភូមិតាប្រាក់ ឃុំមានជ័យ ស្រុកប្រាសាទបាគង ខេត្តសៀមរាប ។

សូមបញ្ជាក់៖ ចំពោះករណីខាងលើនេះ ជនរងគ្រោះបានស្លាប់បាត់ហើយ នៅវេលាម៉ោង ១០និង៤០នាទីព្រឹកថ្ងៃទី២៨ ខែមិថុនា ឆ្នាំ២០១៩នេះ៕

មតិយោបល់

Loading...