ភ្នំពេញ: យោងតាមផេកនគរបាលជាតិ បានឲ្យដឹងថា ជនជាតិ ជនជាតិញូហ្សេលែនម្នាក់ បានស្លាប់នៅផ្ទះសំណាក់ជីងជីង (បន្ទប់លេខ៣០៦) ជាន់ទី០៣ ផ្ទះលេខ៨៦E0 ផ្លូវលេខ១៤៨ ក្រុម៣៦ ភូមិ៨ សង្កាត់ ផ្សារកណ្ដាលទី២ ខណ្ឌដូនពេញ រាជធានីភ្នំពេញ កាលពីថ្ងៃទី៣០ ខែមិថុនា ឆ្នាំ២០១៩ វេលាម៉ោង១៧និង២០នាទី ។
អធិការនគរបាលខណ្ឌដូនពេញ លោក ទៀង ច័ន្ទសារ បានឲ្យដឹងថា ជនរងគ្រោះឈ្មោះ PARTIDGE RODNEY ROBERT ជនជាតិញូហ្សេលែន (NEW ZEALAND) ភេទប្រុស អាយុ៦៩ឆ្នាំ មុខរបរ ទេសចរណ៍ កាន់លិខិតឆ្លងដែនលេខ ក្រោយពីសភាពការណ៍កើតឡើងកម្លាំងជំនាញខណ្ឌ និងប៉ុស្តិ៍បានចុះដល់ បានគ្រប់គ្រងកន្លែងកើតហេតុ ហើយរាយការណ៍ជូនព្រះរាជអាជ្ញា ការិយាល័យ បច្ចេកទេសវិទ្យាសាស្ត្រ ការិយាល័យព្រហ្មទណ្ឌកម្រិតធ្ងន់ ការិយាល័យអន្តោប្រវេសន៍ និងលោកគ្រូពេទ្យកោសលវិច្ច័យរាជធានី ដើម្បីបង្កើតគណ:កម្មាធិការ ត្រួតពិនិត្យកោសល្យវិច័យពិនិត្យសព។
ជាលទ្ធផលតាមការពិនិត្យរបស់លោកឧកញ៉ាវេជ្ជបណ្ឌិត នង សុវណ្ណរ័ត្ឋ និងការិយាល័យជំនាញបច្ចេកទេសបានបញ្ជាក់ ជនរងគ្រោះស្លាប់ដោយសារគាំងបេះដូង (អាចបណ្ដាយមកពីជំងឺលើសឈាម)។
សម្ភារជនរងគ្រោះរួមមាន ៖ លិខិតឆ្លងដែនចំនួន០១ក្បាល លិខិតឆ្លងដែនសញ្ជាតិញ្ញូហ្សេលែន លេខ, ទូរស័ព្ទដៃសាំសុងពណ៌ខ្មៅចំនួន០១គ្រឿង និងនាឡីកាដៃចំនួន០១គ្រឿង, កាតធនាគារ (ATM)និងកាតផ្សេងៗ ចំនួន០៩សន្លឹក, កុំព្យូទ័រ (laptop)០២គ្រឿង, លុយញូហ្សេលែនចំនួន១៥០ដុល្លារ និងលុយថៃចំនួន១២០បាត និងប័ណ្ណបើកបរចំនួន០២សន្លឹក បានប្រគល់ឲ្យការិយាល័យអន្តោប្រវេសន៍ដើម្បីរក្សាទុក។
ក្រោយពីពិនិត្យរួចខាងជំនាញបច្ចេកទេស បានដឹកសាកសពនៅពេទ្យមិត្តភាពខ្មែរសូវៀត (ហៅពេទ្យរុស្សី) ខណ្ឌចម្ការមន រាជធានីភ្នំពេញ៕
មតិយោបល់