ព្រះសីហនុៈ បុរសអាយុជិត៥០ឆ្នាំមិនទាន់ស្គាល់អត្តសញ្ញាណម្នាក់ បានស្លាប់បាត់បង់ជីវិត ក្រោយពីជិះម៉ូតូដួលខ្លួនឯង កាលពីវេលាម៉ោងជិត៧យប់ថ្ងៃទី១៦ ខែកក្កដា ឆ្នាំ២០១៦ នៅផ្លូវជាតិលេខ៤ ចន្លោះគីឡូម៉ែត្រ ១២៣ និង១២៤ ស្ថិតនៅភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។

សមត្ថកិច្ចមូលដ្ឋានឲ្យដឹងថា គ្រោះថ្នាក់នេះកេីតឡេីងក្នុងពេលដែលជនរងគ្រោះជិះម៉ូតូម៉ាកវេវ ពណ៌ខ្មៅ គ្មានស្លាកលេខទិសដៅពីក្រុងព្រះសីហនុទៅភ្នំពេញ ហើយដួលបោកក្បាលបណ្តាលឲ្យស្លាប់នៅនឹងកន្លែង ។

បច្ចុប្បន្នសាកសពត្រូវបានកំលាំងអធិការដ្ឋាននគរបាលស្រុកកំពង់សីលា យកទៅរក្សាទុកនៅវត្តព្រៃប្រសិទ្ធស្ថិតនៅឃុំអូរបាក់រទេះរង់ចាំស្រាវជ្រាវរកសាច់ញាតិមកទទួលយក៕