Post News Media ព័ត៌មានជាតិ កម្លាំងប៉ុស្ត...

កម្លាំងប៉ុស្តិ៍នគរបាលបានបណ្ដេញជនជាតិ ៣ចេញពីប្រទេសកម្ពុជា ករណីបទល្មើសចាប់ឃុំឃាំង និងបង្ខាំងមនុស្សខុសច្បាប់

ព្រះសីហនុ: នៅថ្ងៃទី៦ ខែកក្តដា ឆ្នាំ២០១៩ វេលាម៉ោង ៦និង៣០នាទី កម្លាំងប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិព្រះសីហនុ សហការជាមួយស្នាក់ការបណ្តេញចេញ ខេត្តព្រះសីហនុ នៃនាយកដ្ឋានស៊ើបអង្កេត និងអនុវត្តនីតិវិធី បានបណ្តេញចេញជនជាតិចិនចំនួន ៣នាក់ ចេញពីព្រះរាជាណាចក្រកម្ពុជា។

សមត្ថកិច្ចបានឲ្យដឹងថា ជនជាតិចិនទាំង ៣នាក់នេះ មាន ១- ឈ្មោះ MA DONGHUI ភេទប្រុស អាយុ ៣១ឆ្នាំ, ២-ឈ្មោះ WANG QINGSHAN ភេទប្រុស អាយុ ៣០ឆ្នាំ និង៣-ឈ្មោះ ZHANG SHUAI ភេទប្រុស អាយុ ៣៩ឆ្នាំ ត្រូវបានបណ្តេញចេញពីព្រះរាជាណាចក្រកម្ពុជា តាមជើងហោះហើរលេខ ZA419 (KOS-CHN) ករណីបទល្មើសចាប់ឃុំឃាំង និងបង្ខាំងមនុស្សខុសច្បាប់ (ដោយអនុវត្តសាលក្រមទោសរួច) ទទួលពីពន្ធនាគារខេត្តព្រះសីហនុ នៅថ្ងៃ១០ ខែមិថុនា ឆ្នាំ២០១៩ វេលាម៉ោង ១១និង២០នាទី ខេត្តព្រះសីហនុ៕