បន្ទាយមានជ័យៈ បុរសម្នាក់ជាមុខសញ្ញារក្សាទុក និងចែកចាយគ្រឿងញៀន ត្រូវបានកម្លាំងអាវុធហត្ថមូលដ្ឋានក្រុងប៉ោយប៉ែតធ្វើការឃាត់ខ្លួនកាលពីវេលាម៉ោង១០និង៣០នាទីយប់ថ្ងៃទី១៧ ខែកក្កដា ឆ្នាំ២០១៦ នៅចំណុចបន្ទប់ជួលក្នុងភូមិក្បាលស្ពាន១ សង្កាតក្រុងប៉ោយប៉ែត ខេត្តបន្ទាយមានជ័យ។

លោកវរសេនីយ៍ត្រី ជា ដា មេបញ្ជាការមូលដ្ឋានអាវុធហត្ថក្រុងប៉ោយប៉ែតបានឲ្យអង្គភាព Post news ដឹងថា ជនសង្ស័យដែលត្រូវឃាត់ខ្លួនមានឈ្មោះ ស្ងួន បូរី ភេទប្រុស អាយុ៣០ឆ្នាំរស់នៅចំណុចចាប់ខ្លួនខាងលើ។ ក្រោយឃាត់ខ្លួនសមត្ថកិច្ចបានឆែកឆេររកឃើញថ្នាំញៀនប្រភេទមេតំហ្វេតាមីនទឹកកកចំនួន៣កញ្ចប់ ទូរស័ព្ទចំនួនពីរគ្រឿង។

ជនសង្ស័យរួមនឹងវត្ថុតាង ត្រូវបានសមត្ថកិច្ចអាវុធហត្ថកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមនីតិវិធីច្បាប់៕