ក្រចេះ៖ នៅរសៀលថ្ងៃទី១៣ ខែកក្ដដា ឆ្នាំ២០១៩នេះ ដឹកនាំកម្លាំងចុះបង្រ្កាប និងដុតបំផ្លាញចោលរថយន្ដបាកុងសម្រាប់ស្ទួចឈើ ឬដឹកឈើចំនួច៧គ្រឿងទៀត ដែលឈ្មួញលាក់ទុកក្នុងចំការក្រោយផ្ទះប្រជាពលរដ្ឋ នៅភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ។

កម្លាំងអាវុធហត្ថខេត្តក្រចេះ សហកាជាមួយអាវុធហត្ថស្នាក់ការសន្តិសុខ៧០៨ ស្នាក់ការសន្តិសុខ៧១០ អាវុធហត្ថស្រុកសំបូរ នៅយប់ថ្ងៃទី១២ ខែកក្ដដា បានរុករកប្រទះឃើញរថយន្ដបាកុងសម្រាប់ស្ទូចឈើ និងដឹកជញ្ជូនឈើចំនួន ៧គ្រឿង ដែលក្រុមឈ្មួញលាក់ទុកក្នុងចំការខាងក្រោយផ្ទះប្រជាពលរដ្ឋ ហើយត្រូវដុត បំផ្លាញចោលនៅនិងកន្លែងទាំងអស់។ រថយន្ដទាំង ៧គ្រឿងនោះ ត្រូវកម្លាំងកងរាជ អាវុធហត្ថដុតបំផ្លាញចោលក្រោមបញ្ជាផ្ទាល់ពីនាយឧត្ដមសេនីយ៍ សៅ សុខា ប្រធានគណៈកម្មការជាតិដើម្បីទប់ស្កាត់ និងបង្រ្កាបបទល្មើសធនធានធម្មជាតិ ក្រោយពីបើកប្រតិបតិតការទ្រង់ទ្រាយធំនៅខេត្តមណ្ឌលគីរី៕