ព័ត៌មានជាតិ

ឃាត់ខ្លួនមន្ត្រីអង្គរក្សម្នាក់ សង្ស័យពាក់ព័ន្ធនឹងករណីលួចលុយជាច្រើនម៉ឺនដុល្លារ

ភ្នំពេញ: នៅវេលាម៉ោង៥ និង០០នាទីព្រឹកថ្ងៃទី១៩ ខែកក្កដា ឆ្នាំ២០១៩ សមត្ថកិច្ច បានឃាត់ខ្លួនបុរសម្នាក់ សង្ស័យពាក់ព័ន្ធនឹងករណីលួចលុយជាច្រើនម៉ឺនដុល្លារ ស្ថិតនៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។

បុរសខាងលើឈ្មោះ អៀម សំអន ភេទប្រុស អាយុ ៣៧ ឆ្នាំ មុខរបរមន្ត្រីយោធាបម្រើការងារ នៅនាយដ្ឋានកងអង្គរក្ស មានឋាន:អនុសេនីយ៍ឯក មុខងារជាមន្ត្រីជំនួយការស្រាវជ្រាវសន្តិសុខ មានទីលំនៅផ្ទះសង់ថ្មី ភូមិបាយ៉ាប សង្កាត់ភ្នំពេញថ្មី។

ក្រោយឃាត់ខ្លួន បុរសខាងលើ ត្រូវបានបញ្ជូនទៅក្រសួងមហាផ្ទៃភ្លាមៗផងដែរ។

សូមបញ្ជាក់៖ ករណីនេះ សារព័ត៌មាន Post News បានសម្ភាសជាមួយសមត្ថកិច្ចមូលដ្ឋាន ដោយលោកឆ្លើយថា ពិតជាមានការឃាត់ខ្លួនបុរសខាងលើប្រាកដមែន ប៉ុន្តែមិនទាន់ច្បាស់ទេ ព្រោះក្រសួងមហាផ្ទៃ ជាអ្នកធ្វើរឿងមួយនេះ៕

មតិយោបល់