កំពង់ស្ពឺៈ យោងតាមផេកនគរបាលជាតិ បានឲ្យដឹងថា នៅថ្ងៃទី២១ ខែកក្កដា ឆ្នាំ២០១៩ វេលាម៉ោង ១២និង៣០នាទី កម្លាំងព្រហ្មទណ្ឌស្រុក សហការជាមួយប៉ុស្ដិ៍រលាំងចក និងកម្លាំងការិល័យព្រហ្មទណ្ឌកម្រិតធ្ងន់ឃាត់ខ្លួនជនសង្ស័យម្នាក់ ពាក់ព័ន្ធករណីលួចមានស្ថានទម្ងន់ទោស ដោយបានឆក់កាបូប ដែលមានទូរស័ព្ទ។
លោកវរសេនីយ៍ឯក ឃុត សុផល អធិការនគរបាលស្រុកសំរោងទង បានឱ្យដឹងថាជនសង្ស័យឈ្មោះសាន រី ភេទប្រុស អាយុ ៣៥ឆ្នាំ រស់ភូមិបន្លាស្អិត ឃុំរលាំងចក ស្រុកសំរោងទង ខេត្តកំពង់ស្ពឺ បានធ្វើសកម្មភាពឆក់កាបូប ដែលមានទូរស័ព្ទ ១គ្រឿង ម៉ាកអាយហ្វូន ពណ៌ទឹកប្រាក់ ពីឈ្មោះស៊ឹម ឡុងនី ភេទស្រី អាយុ៣៥ឆ្នាំ រស់នៅភូមិត្រពាំងថ្ម ឃុំរលាំចក ស្រុកសំរោងទង ខេត្តកំពង់ស្ពឺ ខណៈពេលជនរងគ្រោះកំពុងជិះម៉ូតូ នៅតាមផ្លូវជាតិលេខ១៣០ ស្ថិតនៅខាងលិចភូមិព្រីង ឃុំរលាំងចក ស្រុកសំរោងទង ខេត្តកំពង់ស្ពឺ។
វត្ថុតាងដកហូត៖ កាបូប១, ទូរស័ព្ទជនរងគ្រោះ១គ្រឿង និងម៉ូតូជនសង្ស័យ ១គ្រឿង ម៉ាកហុងដា ពណ៌ខ្មៅ ផលិតឆ្នាំ២០១៤ ពាក់ស្លាកលេខ ភ្នំពេញ 1CQ-1792 ទូរស័ព្ទ ១គ្រឿង ម៉ាកសាំស៊ុង។
ក្រោយពីសាកសួរជនសង្ស័យខាងលើ បានឆ្លើយសារភាពថា ខ្លួនពិតជាបានឆក់យកកាបូបពីជនរងគ្រោះខាងលើ ពិតប្រាកដមែន។ បច្ចុប្បន្នករណីខាងលើជំនាញ បានកសាងសំណុំងឿង ចាត់ការតាមនីតិវិធី៕
មតិយោបល់