ភ្នំពេញៈ លោក វ៉ា សាវឿន ចៅសង្កាត់ចោមចៅទី៣ បានដឹកនាំកម្លាំងចុះកាយសំរាម ដែលនៅក្នុងប្រឡាយ តាមបណ្តោយផ្លូវជាតិលេខ៤ នៅព្រឹកថ្ងៃទី២៣ ខែកក្កដា ឆ្នាំ២០១៩នេះ កម្លាំងអាជ្ញាធរសង្កាត់ចោមចៅ៣ ខណ្ឌពោធិ៍សែនជ័យ ឆ្លៀតឱកាស ដឹកនាំកម្លាំងមន្ត្រីសាលាសង្កាត់ ប្រជាការពារ ចុះការស្រង់ បារសំរាមចេញពីប្រឡាយ ត្រង់ចំណុចប្រឡាយ អមផ្លូវជាតិលេខ៤ សង្កាត់ចោមចៅទី៣ សម្រួលមុខផ្លូវទឹកហូរ និង សម្អាតបរិស្ថាន ដើម្បីប្រជាពលរដ្ឋទាំងអស់គ្នា។
អណ្តូងលូ ប្រឡាយមេ ត្រង់ចំណុចខាងលើ ពុំមានគម្រប ងាយនឹងសំរាម ហើរ ប៉ើង ធ្លាក់ចូល ហើយម្យ៉ាងវិញទៀតបើមានភ្លៀងធ្លាក់វិញ ធ្វើឲ្យសំរាម ហូរធ្លាក់តាមទឹក ប្រមូលផ្តុំកកកុញពេញអណ្តូងលូ ជាហេតុងាយប្រឈមនឹងកកស្ទះមុខទឹកហូរ ទើបនៅព្រឹកនេះ អាជ្ញាធរសង្កាត់ចោមចៅទី៣ ដឹកនាំដោយលោកចៅសង្កាត់ រួមទាំងចៅសង្កាត់រង និង មន្ត្រីសាលាសង្កាត់ ឆ្លៀតពេល ចុះកាយ បារ ស្រង់សំរាម ទាំងនោះចេញពីប្រឡាយ ។
អាជ្ញាធរអំពាវនាវផងដែរ ដល់បងប្អូនប្រជាពលរដ្ឋ ចេះវេចខ្ចប់សំរាម ចង ច្រកថង់ឲ្យបានត្រឹមត្រូវ ជៀសវាង បោះចូលក្នុងប្រឡាយ ដាក់មាត់ប្រឡាយ ធ្វើឲ្យប៉ើងធ្លាក់ចូល គួរចូលរួមថែរក្សា ដើម្បីបរិស្ថានស្អាតទាំងអស់គ្នា៕
មតិយោបល់