Post News Media ព័ត៌មានជាតិ គណ:បញ្ជាការឯក...

គណ:បញ្ជាការឯកភាពខណ្ឌកំបូល ចុះកាត់ស្លាកយីហោអនាធិបតេយ្យនៅក្នុងមូលដ្ឋាន

ភ្នំពេញ: អនុវត្តន៍តាមការដឹកនាំរបស់លោក ឃឹម ស៊ុនសូដា អភិបាល នៃគណ:អភិបាលខណ្ឌកំបូល នៅព្រឹកថ្ងៃទី២៣ ខែកក្កដា ឆ្នាំ២០១៩ នេះ លោក សេង គន្ធ លោកស្រី ទេព កញ្ចនា និងលោក កៀង ល័ក្ស អភិបាលរងខណ្ឌកំបូល បានដឹកនាំក្រុមការងារមាននាយករងរដ្ឋបាល មន្ត្រី និងកម្លាំងសន្តិសុខសាលាខណ្ឌកំបូល ចុះអនុវត្តន៍សេចក្តីជូនដំណឹងរបស់រដ្ឋបាលខណ្ឌកំបូល ស្តីពីការរៀបចំសណ្តាប់ធ្នាប់តាមដងផ្លូវជាតិលេខ៤ ក្នុងសង្កាត់កំបូល និងសង្កាត់កន្ទោក ចាប់ពីមុខបុរីសែនមនោរម្យ រហូតដល់ ព្រំប្រទល់ស្រុកអង្គស្នួល ខេត្តកណ្តាល ។ ជាលទ្ធផល រយ:ពេល ០៣ថ្ងៃ បានរុះរើស្លាកដែលដាក់តាំងធ្វើឲ្យប៉ះពាល់ ដល់សោភ័ណភាព របៀបរៀបរយសាធារណ: ចំនួន ៣៥ ផ្ទាំង ។

តាមផែនការដឹកនាំរបស់លោកអភិបាលខណ្ឌ ក្រុមការងារនឹងបន្តចុះកាត់ស្លាកអនាធិបតេយ្យទាំងនោះជាបន្តបន្ទាប់រហូតដល់បញ្ចប់ការងារទាំងស្រុង ដើម្បីលើកកម្ពស់សោភ័ណភាព សណ្តាប់ធ្នាប់ និងរបៀបរៀបរយក្នុងមូលដ្ឋានខណ្ឌកំបូល កាន់តែប្រសើរឡើងថែមទៀត ៕