Post News Media ព័ត៌មានជាតិ រកឃើញអ្នកបើកប...

រកឃើញអ្នកបើកបរ និងព្រូរថយន្តធុនធំ មានសារធាតុញៀនជាច្រើននាក់

ភ្នំពេញ: លោកវរ:សេនីយ៍ឯក សែម គន្ធា នាយការិយាល័យនគរបាលចរាចរណ៍ផ្លូវគោក បានឲ្យដឹងថា ជាលទ្ធផលរយ:ពេល២ថ្ងៃ (២២-២៣ ខែកក្កដា ឆ្នាំ២០១៩) ក្នុងការត្រួតពិនិត្យមួកសុវត្ថិភាព ក៏ដូចជាការពិនិត្យរកសារធាតុញៀន និងជាតិស្រវឹងចំពោះអ្នកបើកបរ និងព្រូរថយន្តធំ៖

១.ករណីបើកបរ ដែលអត់ពាក់មួកសុវត្ថិភាពសរុបចំនួន ២,៩២៥ នាក់ (អ្នកបើកបរ ១,៧១៨នាក់ និងអ្នកអមដំណើរចំនួន១,២០៧នាក់)

២. ករណីរកឃើញអ្នកបើកបរ និងព្រូរថយន្តធំ ដែលមានសារធាតុញៀនចំនួន ១០នាក់ ក្នុងចំណោមអ្នកបើកបរ និងព្រូ សរុបចំនួន ១០៥នាក់ ដែលបានត្រួតពិនិត្យ អ្នករកឃើញមានសារធាតុញៀន និងបន្តបញ្ជូនទៅអនុវត្តតាមនិតិវិធីច្បាប់ ចំណែកឯរថយន្តត្រូវយកទៅរក្សាទុក នៅការិយាល័យចរាចរណ៍ផ្លូវគោក៕