អាមេរិក: ការិយាល័យគ្រប់គ្រងទ្រព្យសម្បត្តិបរទេសរបស់ក្រសួងរតនាគារអាមេរិក បាននិយាយនៅលើគេហទំព័ររបស់ខ្លួនថា អាមេរិក បានដាក់ទណ្ឌកម្មលើរដ្ឋមន្រ្តីការបរទេសអ៊ីរ៉ង់ លោក Mohammad Javad Zarif ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១ ខែសីហា ឆ្នាំ២០១៩។
កាលពីថ្ងៃពុធ ក្រសួងបាននិយាយថា ខ្លួនកំពុងដាក់ទណ្ឌកម្មលើលោក Zarif សម្រាប់សកម្មភាព ដែលតាំងខ្លួនជាមេដឹកនាំកំពូលអ៊ីរ៉ង់ លោក Ayatollah Ali Khamenei។
ដោយរដ្ឋលេខាធិការក្រសួងរតនាគារលោក Steven Mnuchin បាននិយាយនៅក្នុងសេចក្តីថ្លែងការណ៍មួយថា លោក Zarif បានអនុវត្តរបៀបវារ: ដែលមិនចេះពិចារណារបស់មេដឹកនាំកំពូលអ៊ីរ៉ង់ ហើយក៏ជាអ្នកនាំពាក្យចម្បងរបស់របបនេះ នៅជុំវិញពិភពលោកផងដែរ។
ពាក់ព័ន្ធនឹងការលើកទ្បើងនេះ លោក Zarif ក៏បានធ្វើការច្រានការដាក់ទណ្ឌកម្ម នៅលើបណ្តាញសង្គម Twitter ដោយនិយាយថា ចំណាត់ការរបស់អាមេរិក គឺជាបង្ហាញថា ទីក្រុងវ៉ាស៊ីនតោន ចាត់ទុកលោក ជាការគំរាមកំហែងមួយ។
លោកបានមានប្រសាសន៍ថា «ទណ្ឌកម្មនេះ មិនមានឥទ្ធិពលអ្វីមកលើរូបលោក ឬគ្រួសាររបស់លោកនោះទេ ព្រោះលោកក៏គ្មានទ្រព្យសម្បត្តិ ឬចំណាប់អារម្មណ៍ទៅណា ក្រៅពីប្រទេសអ៊ីរ៉ង់ទ្បើយ៕
មតិយោបល់