បាត់ដំបង: កាលពីរសៀលថ្ងៃទី ០៣ ខែសីហា ឆ្នាំ ២០១៩ បុរសម្នាក់បានធ្វើសកម្មភាព (ឆក់)យក ប្រាក់ពីក្នុងចំណោមមនុស្សម្នា ជាម្ចាស់ទ្រព្យ ស្ថិតនៅចំណុចភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ត្រូវសមត្ថកិច្ច ឃាត់ខ្លួន។

បុរសខាងលើមានឈ្មោះ សេង អ៊ុយ ភេទប្រុស អាយុ ២៧ ឆ្នាំមានទីលំនៅ ភូមិចម្ការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

នៅចំពោះមុខសមត្ថកិច្ច បានឆ្លើយសារភាពថា នៅថ្ងៃកើតហេតុ ខ្លួនដើរ ( លួចឬឆក់) ទ្រព្យសម្បត្តិអ្នកដទៃ ពេលនោះ ស្រាប់តែបានឃើញគេ កំពុងអង្គុយរាប់លុយ នៅមុខផ្ទះ ក៏ធ្វើសកម្មភាបឆក់តែម្ដង តែក៏ត្រូវម្ចាស់ ដេញប្រផាប់ចាប់ប្រភីង ក្នុងពេលនោះ។

ដោយឃើញស្ថានការណ៍មិនស្រួល ជនសង្ស័យ បានទាញយកដំបងដែកជ្រុង វាយទៅលើជនរងគ្រោះ ដើម្បីរំដោះខ្លួនពីទីកន្លែងកើតហេតុ តែដោយមានការអន្តរាគមន៍ពីប្រជាពលរដ្ឋ និងសមត្ថកិច្ចនៅជិតនោះ ជនសង័្សយ ត្រូវបានឃាត់ខ្លួន រួមទាំងវត្ថុតាងមានប្រាក់រៀលចំនួន៣០០,០ ០០រៀល (សាមសិបម៉ឺនរៀល) ដំបងដែកជ្រុង បញ្ជូនមកកាន់ស្នងការដ្ឋានន គរបាលខេត្តបាត់ដំបង។

ជនសង្ស័យបានអះអាងថា ខ្លួនជាអ្នកសារព័ត៌មានអាជីព ដោយមានប័ណ្ណអ្នកសារព័ត៌មានចំនួន០២បណ័្ណ ដែលក្នុងប័ណ្ណទាំងពីរនោះ គឺ៖ (សារព័ត៌មានលើកស្ទួយសង្គមជាតិ)
១-ប័ណ្ណសារព័ត៌មានឈ្មោះ សេង អើយ ឆ្នាំកំណើត ២២-១២-១៩៩៣ មានលេខ សម្គាល់ No12 កាលបរិច្ឆេទផ្តល់ប័ណ្ណ 7/7/2019 ផុតកំណត់ប្រើ 7/12/2019 ( មានបិទរូបថតរបស់ជនសង័្សយ រូបនេះ) មានលេខទូរស័ព្ទ 015 329 627 និងលេខ 016 522 548
២-ប័ណ្ណសារព័ត៌មានឈ្មោះ ប៊ូ រដ្ឋសំណាង ឆ្នាំកំណើត ០១-០១-១៩៨៥ មានលេខសម្គាល់ No2 17 កាលបរិច្ឆេទផ្តល់ប័ណ្ណ 7/7/2019 ផុតកំណត់ប្រើ 7/12/2019 ( មានបិទរូបថត របស់ជនសង័្សយ រូបនេះ) មានលេខទូរស័ព្ទ 015 329 627 និងលេខ 016 522 548។

អ្វីដែលជាការកត់សម្គាល់នោះ គឺ (រូបថត) ជនស័ង្សយស្ថិតនៅលើប័ណ្ណសារព័ត៌មានចំនួន០២ ដែលមានឈ្មោះ ផ្សេងគ្នា ឆ្នាំកំណើតផ្សេងគ្នា ឯកាលបរិច្ឆេទផ្តល់ និងផុតសុពលភាព ប្រើប្រាស់ជាពេលវេលាតែមួយ ។

យ៉ាងណាមិញ ទាក់ទងនឹងការអះអាងរបស់ជនសង័្សយនេះ នៅមិនទាន់ច្បាស់ទេថា វាជាការពិតឬយ៉ាងណានោះ ប៉ុន្តែជនសង័ង្សយ ត្រូវបានសមត្ថកិច្ច រៀបចំសំណុំរឿង បញ្ជូនទៅសាលាដំបូងខេត្តបាត់ដំបង ចាត់ ការតាមផ្លូវច្បាប់៕