ភ្នំពេញ: យោងតាមផេកនគរបាលជាតិ បានឲ្យដឹងថា ជនជាតិហ្វីលីពីនម្នាក់បានសម្រេចចិត្តចង.កសម្លាប់ខ្លួននៅក្នុងបន្ទប់ ១B អគារអាផាតមែន សុភាវី ស្ថិតនៅទីតាំងលេខ៣០ ផ្លូវលេខ៦០៦ សង្កាត់បឹងកក់ទី២ ខណ្ឌទួលគោក កាលពីថ្ងៃទី៤ ខែសីហា ឆ្នាំ២០១៩ វេលាម៉ោង២០និង០០នាទី ។
ជនរងគ្រោះឈ្មោះ MARASIGAN JESSICA JOYCE ARTILLAGA ភេទស្រី អាយុ២០ឆ្នាំ ជនជាតិហ្វីលីពីន មុខរបរ និស្សិតសកលវិទ្យាល័យលីងកុកវីង កាន់លិខិតឆ្លងដែនលេខ P១៧៧៧៨៤១A ស្នាក់នៅបន្ទប់លេខ ១B អាផាតមែនសុភាវី ស្នាក់នៅទីតាំងកើតហេតុ។
តាមប្រភពពីឈ្មោះ MARASIGAN MARJORIE ARTILLAGA មុខរបរទីប្រឹក្សាបច្ចេកទេសគ្រឹះស្ថានមីក្រូហិរញ្ញវត្ថុមហានគរ ដែលត្រូវជាម្តាយបង្កើត បានឲ្យដឹងថា កន្លងមកជនរងគ្រោះ មានជំងឺផ្លូវចិត្តតាំងពីឆ្នាំ ២០១៥ មកម្ល៉េះ ហើយលេបថ្នាំជាប្រចាំ និងព្យាយាមសម្លាប់ខ្លួនចំនួន ០៤ដងមកហើយ តែត្រូវបានជួយទាន់ មកដល់ថ្ងៃទី ០៤ ខែ សីហាឆ្នាំ២០១៩ វេលាម៉ោង២០ និង០០នាទីពេលហូបបាយរួច ជនរងគ្រោះបាននិយាយជាមួយបងថ្លៃស្រី រួចក៏ដើរចូលក្នុងបន្ទប់ដេកវិញប្រហែល១០នាទីក្រោយមកនាងខ្ញុំក៏ដើរចូលបន្ទប់កូនរបស់ខ្ញុំ ស្រាប់តែឃើញជនរងគ្រោះចង.កនិងខ្សែក្រវាត់ជាប់រីដូរឈើស្លាប់តែម្តង ។
ករណីនេះ សមត្ថកិច្ចបានធ្វើការសន្និដ្ឋាន ស្លាប់ដោយចង.ក ធ្វើអត្តឃាត ។ សាកសពត្រូវបានយកមកតម្កល់ធ្វើបុណ្យនៅវត្តស្ទឹងមានជ័យ ៕
មតិយោបល់