ព័ត៌មានជាតិ

អាជ្ញាធរ និងមន្ត្រីពាក់ព័ន្ធ ចូលរួមធ្វើការសម្អាតបរិស្ថាន នៅក្នុងក្រុងដូនកែវ

តាកែវ: នាព្រឹកថ្ងៃទី ១២ ខែសីហា ឆ្នាំ២០១៩ លោក អ៊ូច ភា អភិបាលនៃគណ:អភិបាលខេត្តតាកែវ បានដឹកនាំមន្រ្តីរាជការ ចូលរួមសម្អាតបរិស្ថាន ក្នុងក្រុងដូនកែវ ដោយក្នុងនោះក៏មានការអញ្ជើញចូលរួម លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត កងកម្លាំងប្រដាប់ អាវុធទាំង៣ប្រភេទ និង លោក កង អាណាន់ អភិបាលក្រុងដូនកែវ ព្រមទាំងមន្រ្តីរាជការនៅសាលាក្រុងទាំងអស់។

លោក អ៊ូច ភា អភិបាលខេត្តតាកែវ បានមានប្រសាសន៍ថា ចំពោះការរៀបចំបណ្ដាញផ្លូវ សម្រាប់ឲ្យរថយន្តរបស់ក្រុមហ៊ុនជីបម៉ុងគ្រុប ធ្វើការលាងសម្អាតក្នុងរយ:ពេល ៣សប្ដាហ៍ គឺចាប់ពីថ្ងៃទី ១២ ដល់ថ្ងៃទី ៣០ ខែសីហា ឆ្នាំ២០១៩ ដែលមានប្រវែងសរុប ៣០.៤៨០ម៉ែត្រ ដោយក្នុងនោះរួមមានផ្លូវ នៅក្នុងក្រុងដូនកែវ មានប្រវែង ១៩.០០០ម៉ែត្រ និងផ្លូវជាតិ និងផ្លូវខេត្ត តាមទីប្រជុំជនផ្សេងៗ មានប្រវែង ១១.៤៨០ម៉ែត្រ៕

មតិយោបល់