កោះកុងៈ នៅវេលាម៉ោង៧និង៣០ព្រឹកថ្ងៃទី១៩ ខែកក្កដា ឆ្នាំ២០១៦ មានករណីក្មេងលង់ទឹកព្រែកស្លាប់ នៅចំណុចព្រែកភូមិជ្រោយស្វាយលិច ឃុំជ្រោយស្វាយ ស្រុកស្រែអំបិល ខេត្តកោះកុង។

សពក្មេងស្រីរងគ្រោះឈ្មោះ គូយ ស៊ែរ អាយុ១៣ឆ្នាំ ជាសិស្សនៅភូមិជ្រោយស្វាយលិច បានចុះទៅរាវខ្យង ក្តាម ក្នុងព្រែក បណ្ដាលឲ្យលង់ទឹកស្លាប់តែម្តង ក្រោយមកកម្លាំងប៉ុស្តិ៍បានចុះធ្វើការត្រួតពិនិត្យ សាកសព និងស្តាប់តាមការបំភ្លឺពីក្រុមគ្រួសារសពបានសន្និដ្ឋានថា ក្មេងស្រីពិតជាបានលង់ទឹកស្លាប់ប្រាកដមែន។

ក្រោយពិនិត្យរួច សពត្រូវកម្លាំងប៉ុស្តិ៍ប្រគល់ជូនឪពុកម្តាយធ្វើបុណ្យតាមប្រពៃណី៕