ផ្ទះ ព័ត៌មានជាតិ ជនជាតិឥណ្ឌាម្...

ជនជាតិឥណ្ឌាម្នាក់មានអាការ:ថប់ៗដង្ហើម រួចក៏ប្រកាច់ស្លាប់…

0

កំពង់ស្ពឺ: ជនបរទេសម្នាក់បានស្លាប់ នៅវេលាម៉ោង ១៦និង៣០នាទី ថ្ងៃ១៨ ខែសីហា ឆ្នាំ២០១៩ ត្រង់ចំណុចបង្គោលភ្លើង លេខ១៣៨ ស្ថិតក្នុងខេត្តកំពង់ស្ពឺ។

សមត្ថកិច្ចបានឲ្យដឹងថា ជនបរទេសនេះ មានឈ្មោះ SELVAM KANAGARAJI ភេទប្រុស អាយុ ៤៥ឆ្នាំ ជនជាតិ ឥណ្ឌា មុខរបរ កម្មករនៅក្នុងក្រុមហ៊ុន PESTECH (ដំឡើងបង្គោលភ្លើង)។ តាមការបំភ្លឺពីកម្មករ ធ្វើការជាមួយគ្នា បានឲ្យដឹងថា ជនរងគ្រោះខាងលើ មានអាការ:ថប់ៗដង្ហើម រួចក៏ប្រកាច់ ពេលកំពុងធ្វើការនៅចំណុចបង្គោលភ្លើង លេខ១៣៨ ហើយបានលើកដាក់លើរថយន្តរបស់ក្រុមហ៊ុន បញ្ជូនទៅមន្ទីពេទ្យ ពេលមកដល់មន្ទីពេទ្យបង្អែកត្រពាំងត្រឡឹង គ្រូពេទ្យបានពិនិត្យឃើញថា ជនបរទេសរូបនេះ បានស្លាប់បាត់បង់ជីវិតទៅហើយ។

បច្ចុប្បន្នសាកសពជនរងគ្រោះ ត្រូវបានដឹកមកកម្កល់ទុក នៅមន្ទីរពេទ្យបង្អែកខេត្តកំពង់ស្ពឺ ដើម្បីរង់ចាំលោកគ្រូពេទ្យជំនាញ និងសមត្ថកិច្ចពាក់ព័ន្ធធ្វើកោសល្យវិច័្ចយ៕

Leave a Reply

This site uses Akismet to reduce spam. Learn how your comment data is processed.