ផ្ទះ ព័ត៌មានជាតិ ជនជាតិ​ញូ​សឺ​...

ជនជាតិ​ញូ​សឺ​ឡែ​ន​ម្នាក់​ បង្ក​ហិង្សា​លើ​ពលរដ្ឋ​ខ្មែរ​ ត្រូវ​បាន​កម្លាំង​នគរបាល​ឃាត់ខ្លួន​

0

សៀមរាប: យោងតាមផេកនគរបាលជាតិ បានឲ្យដឹងថា​ នៅ​ថ្ងៃ​ទី​១៩​ ខែសីហា​ ឆ្នាំ​២០១៩​ វេលា​ម៉ោង​ប្រហែល​ ២១​និង​២០​នាទី​ នៅ​ចំណុច​មុខ​ហាង​លក់​បបរស​ សុខសាន្ត​ ស្ថិត​នៅ​ភូមិ​សាលា​កន្សែង​ សង្កាត់​ស្វាយ​ដង្គំ​ ក្រុង​/​ខេត្តសៀមរាប​ មាន​ករណី​ហិង្សា​ដែល​បង្ក​ឡើង​ដោយ​ជនបរទេស​ម្នាក់​ បាន​ធ្វើ​សកម្មភាព​វាយ​ទៅ​លើ​ផ្ទៃមុខ​ជន​រង​គ្រោះជា​ច្រើន​ដៃ​ ត្រូវ​បាន​សមត្ថកិច្ច​ នាំ​ខ្លួន​មក​សាកសួរ​នៅ​ស្នងការដ្ឋាន​នគរបាល​ខេត្ត​។​

​ជនបរទេស​រូប​នេះ​ឈ្មោះ​ MILLIN​ MARK​ WILLIAM​ ភេទ​ប្រុស​ កើត​ថ្ងៃ​ទី​១៩-០៣-១៩៦៥​ ជនជាតិ​ ញូ​សឺ​ឡែ​ន​ មិន​មាន​លិខិតឆ្លងដែន​ជាប់​ខ្លួន​ មុខរបរ​ចូល​និវត្តន៍​ ស្នាក់​នៅ​បន្ទប់​ជួល​ ភូមិ​វាល​ សង្កាត់​គោក​ចក​ ក្រុង​/​ខេត្តសៀមរាប​។​ ជន​រង​គ្រោះ​ឈ្មោះ​ ម៉​ម​ ដា​រ៉ា​ ភេទ​ប្រុស​ អាយុ​៤១​ឆ្នាំ​ ជនជាតិ​ខ្មែរ​។​ ហេតុការណ៍​នេះ ​បាន​កើត​ឡី​ង​ដោយសារ​មាន​បញ្ហា​គ្រោះថ្នាក់​ចរាចរណ៍​បន្តិចបន្តួច ​(​ជិះ​ម៉ូតូ​បុក​រថយន្ត​ជន​រង​គ្រោះ​បណ្តាល​ឲ្យ​ដួល​ខ្លួនឯង​)​។​

​បច្ចុប្បន្ន​ជនបរទេស​រូប​នេះ ត្រូវ​បាន​លោក​កើត​ វ​ណ្ណា​រ៉េ​ត​ ព្រះរាជអាជ្ញា​អម​សាលាដំបូង​ខេត្តសៀមរាប ​សម្រេច​ឲ្យ​ឃាត់​ខ្លូ​ន​បណ្តោះអាសន្ន​នៅ​ការិយាល័យ​ស៊ើបអង្កេត​និង​អនុវត្ត​នីតិវិធី​ ដើម្បី​រៀបចំ​កសាង​សំណុំរឿង​ បញ្ជូន​ទៅ​សាលាដំបូង​ខេត្តសៀមរាប​ ចាត់ការ​បន្ត​តាម​នីតិវិធី​៕

Leave a Reply

This site uses Akismet to reduce spam. Learn how your comment data is processed.