ផ្ទះ ព័ត៌មានជាតិ ករណីហិង្សាដោយ...

ករណីហិង្សាដោយចេតនា អ្នកចាញ់ចូលពេទ្យអ្នកឈ្នះចូលប៉ុស្តិ៍

0

កណ្តាល: ថ្ងៃទី ១៨ ខែសីហា ឆ្នាំ២០១៩ ម៉ោង ១០និង៣០ នាទី ចំណុចភូមិព្រែកតាបែន ឃុំព្រះប្រសប់ ស្រុកខ្សាច់កណ្តាល ខេត្តកណ្តាល ។
ជនរងគ្រោះ០១ នាក់
ឈ្មោះ សេង ធឿន ភេទ ស្រី អាយុ ៤៦ ឆ្នាំ ជនជាតិខ្មែរ មុខរបរ កសិករ មានទីលំនៅភូមិ.ឃុំ.កើតហេតុ (របួសឆ្អឹងជំនីខាងឆ្វេង ០១កន្លែង និងហើមជាំភ្នែកខាងឆ្វេង) ។
ចំណែកជនសង្ស័យ ០១ នាក់
ឈ្មោះ សេង យឺន ភេទ ប្រុស អាយុ ៥៤ ឆ្នាំ ជនជាតិខ្មែរ មុខរបរ កសិករ មានទីលំនៅភូមិកណ្តាល ឃុំស្វាយរមៀត ស្រុកខ្សាច់កណ្តាល ខេត្តកណ្តាល (ឃាត់ខ្លួន) ។
វត្ថុតាងចាប់យក៖ ដំបងឬស្សី ០១កំណាត់ ។
តាមប្រភពព័ត៌មាននៅពេលកន្លងមកឈ្មោះ សេង ស្រឹម និងឈ្មោះ សេង យឺន ជាបងប្អូនគ្នាបង្កើត មានទំនាស់ដីធ្លីជាមួយគ្នានៅចំណុចអូរ នៀល ភូមិព្រែកតាបែន ឃុំព្រះប្រសប់ ។
រហូតមកដល់ថ្ងៃកើតហេតុ ឈ្មោះ ឈីវ ឆន បានហៅឈ្មោះ សេង យឺន និងឈ្មោះ យឺន មករា ឲ្យទៅដាំបង្គោលកំណត់ព្រំដីរបស់ខ្លួននៅចំណុចអូរនៀល ជាប់និងដីទំនាស់រវាងឈ្មោះ សេង យឺន និងឈ្មោះ សេង ស្រឹម ពេលនោះឈ្មោះ សេង ស្រឹម ទៅឃាត់ឈ្មោះ សេង យឺន កុំឲ្យបោះបង្គោលព្រំដី ដោយសំអាងថាបោះបង្គោលព្រំដីមិនត្រឹមត្រូវចូលមកដីខ្លួន បន្ទាប់មកឈ្មោះ សេង ស្រឹម និងឈ្មោះ សេង យឺន ឈ្មោះ យឺន មករា បានប្រតាយប្រតប់ដណ្តើមបង្គោលព្រំដី ឃើញដូច្នេះឈ្មោះ សេង ធឿន បានរត់
ចេញពីក្រោមផ្ទះរបស់ឈ្មោះ សេង ស្រឹម ចូលទៅឃាត់ហើយប្រតាយប្រតប់គ្នាជាមួយឈ្មោះ យឺន មករា ស្របពេលនោះឈ្មោះ ម៉ី អ៊ិត ជាប្រពន្ធរបស់ឈ្មោះ សេង យឺន បានចូលទៅប្រតាយប្រតប់ជាមួយឈ្មោះ សេង ធឿន ឃើញដូចនេះឈ្មោះ សេង យឺន បានយកដំបងឬស្សីទៅបុកឈ្មោះ សេង ធឿន ចំនួនពីរដំបងត្រូវចំឆ្អឹងជំនីខាងឆ្វេង ហើយឈ្មោះ យឺន មករា ចូលទៅប្រតាយប្រតបឈ្មោះ សេង ធឿន បន្ថែមទៀតបណ្តាលឲ្យមានរបួសហើមជាំភ្នែកខាងឆ្វេង បន្ទាប់មកក៏បំបែកចេញពីគ្នាអស់ទៅ ។
ទើបមកដល់ថ្ងៃទី ១៩ ខែសីហា ឆ្នាំ២០១៩ ម៉ោង ៩និង០០ នាទី ជនរងគ្រោះបានមកដាក់ពាក្យបណ្តឹងនៅអធិការដ្ឋាននគរបាលស្រុក ហើយកម្លាំងអធិការសហការជាមួយកម្លាំងប៉ុស្តិ៍ចុះស្រាវជ្រាវឃាត់ខ្លួនជនសង្ស័យ បញ្ជូនអធិការដ្ឋានគរបាលស្រុក ដើម្បីបន្តចាត់ការតាមនីតិវិធី៕

 

Loading...

Leave a Reply

This site uses Akismet to reduce spam. Learn how your comment data is processed.