ភ្នំពេញៈ នៅវេលាម៉ោង ៤និង៤៥នាទី ថ្ងៃទី៥ ខែកញ្ញា ឆ្នាំ២០១៩ បុរសជនជាតិម៉ាឡេស៊ីម្នាក់ ត្រូវរថយន្តមិនស្គាល់អត្តសញ្ញាណបុកបាក់ជើងត្រង់ចំណុចផ្លូវអក្សរT ផ្លូវព្រះនរោត្តមកែងផ្លូវ២២២ ភូមិ១៣ សង្កាតបឹងរាំង ខណ្ឌដូនពេញ រាជធានីភ្នំពេញ។
រថយន្តបង្កមិនស្គាល់ម៉ាក រីឯកម៉ូតូម៉ាក YAMAHA ពណ៌ខ្មៅ ពាក់ស្លាកលេខ ភ្នំពេញ 1HI-2202 បើកតាមបណ្តោយផ្លូវព្រះនរោត្ត ពីជើងទៅត្បូង។
ជនរងគ្រោះឈ្មោះ ហ៊ូ កែកិន ភេទប្រុស អាយុ ២១ឆ្នាំ ជនជាតិម៉ាឡេស៊ី មុខរបរ អ្នកទេសចរណ៍ ស្នាក់នៅសណ្ឋាគាហ្កាឌិនផ្លូវ២៥២ សង្កាត់ចតុមុខ ខណ្ឌដូនពេញ បណ្តាលឲ្យអ្នកបើកបរម៉ូតូ រងរបួសធ្ងន់បាក់ជើងខាងឆ្វេង ហើយត្រូវបានគេបញ្ជូនទៅព្យាបាលនៅមន្ទីរពេទ្យសង់ត្រាល់។
ក្រោយកើតផ្នែកជំនាញចរាចរណ៍បានវាស់វែងរួច យកម៉ូតូមករក្សាទុកនៅអធិការដ្ឋាននគរបាលខណ្ឌដូនពេញ និងស្រាវជ្រាវរកជនបង្ក ដើម្បីកសាងសំណុំរឿងតាមនីតិវិធី៕
មតិយោបល់