មិនត្រឹមតែប្រកាសស្រលាញ់គ្នាប៉ុណ្ណោះទេ តារាសម្តែងវ័យក្មេង និងជាពិធីការិនីដ៏មានរូបសម្រស់ស្រស់ស្អាតកញ្ញា ណា សាឌី ក៏ប្រកាសពីការបើកជំនួញជាមួយគូរស្នេហ៍យ៉ាងហ៊ឹកហ៑ាក់ផងដែរ។ គម្រោងនេះបានធ្វើឲ្យគេមើលឃើញចំណងរបស់នាងកាន់តែរឹងមាំ បើទោះមិនទាន់កំណត់ពិធីផ្លូវការច្បាស់លាស់។

កញ្ញា ណា សាឌី ដែលមានជីវិតឯកជនស៊ីវិល័យលូយឆាយ មិនចាញ់តារាដទៃបានអះអាងថា តាំងពីនាងរកបានទ្រនំយ៉ាងល្អនៅក្នុងសិល្បៈ បានជួយឲ្យនាងកាន់តែមានសកម្មភាពទាំងផ្នែកសម្ដែង និងពិធីការិនី។ ក្នុងនោះជីវិតស្នេហាក៍កក់ក្ដៅណស់ដែរ ខណៈដែលរថយន្ត និងរបស់ប្រើប្រាស់សុទ្ធតែទំនើបៗ និងថ្លៃៗ ក៏នាងមានប្រើមិនខ្វះ ដែលកាន់តែជួយឲ្យវ័យ ២២ឆ្នាំរបស់នាង ទទួលបានការចាប់អារម្មណ៍។ យ៉ាងណាមិញ នាងអះអាងថា អ្វីដែលបានកើតឡើង គឺជាការខិតខំប្រឹងប្រែងធ្វើការងារ មិនថាយប់ថ្ងៃ របស់នាង ក្នុងពេលដែលនាងក៏មានមុខរបរផ្ទាល់ខ្លួន គឺបើហាងលក់សម្លៀកបំពាក់ និងហាងលក់ប៉េងប៉ោងក្រៅពីការងារសិល្បៈ។ នាងទទួលស្គាល់ថា ជោគជ័យលើមុខរបរ កំពុងកើតមាន។ យ៉ាងណាមិញប្រភពខ្សឹបខ្សៀវបានបង្ហើបថា ជោគជ័យរបស់នាង គឺបានកើតឡើងដោយសារតែគូស្នេហ៍ភេទដូចគ្នារបស់នាង ដែលគេស្គាល់ថា ជាអ្នកផលិតកម្មវិធី និងជាតារាចម្រៀងស្រីនៅក្នុងក្រុម TMS ។

ដំណឹងរសើបមួយនេះ ត្រូវបានគេប្រាប់ទៀតថា តារាស្រី ណាសាឌី មានទំនាក់ទំនងស្នេហាភេទដូចគ្នាយ៉ាងល្អូកល្អិនផ្អែមហ្នឹងគ្នាមួយរយៈពេលមកហើយ និងបានចាប់ដៃគ្នារកស៊ីបើកហាងលក់ប៉េងប៉ោងឈ្មោះ « Tom_Balloom » ដែលគេឃើញអ្នកទាំងពីរតែងតែបង្ហោះរូបភាពជាច្រើននៅលើបណ្ដាញសង្គមអ៊ីនស្ដារក្រាមនិងហ្វេសប៊ុកនោះផង។ ជាមួយនឹងរឿងទម្លាយនេះ មិនសរសើរមិនបានឡើយ បើទោះបីជាស្នេហារវាងស្រីនិងស្រី តែតារាស្រីរូបនេះពិតជាស័ក្ដសម ហើយជោគជ័យក្នុងជីវិតទៀតផង។ ទន្ទឹមនឹងភាពផ្អែមធ្លាប់លេចឡើងនៅលើបណ្ដាញទៅហើយ តារាស្រីទាំងដួងនេះ តែងតែបង្ហាញវត្តមានជាមួយគ្នាសឹងតែគ្រប់កម្មវិធី និងយកចិត្តទុកដាក់ហ្នឹងគ្នាដូចជាប្ដីតែប្រពន្ធពិតៗតែម្ដង។ យ៉ាងណាមិញ សាមីខ្លួនទាំងពីរនៅមិនទាន់បានសារភាពនៅឡើយទេ៕