ផ្ទះ ព័ត៌មានជាតិ រន្ធត់ណាស់! រ...

រន្ធត់ណាស់! រថយន្តបុកម៉ូតូពីក្រោយផ្ដាច់ជីវិតយុវជន ២នាក់ស្លាប់ភា្លមៗ

0

​សៀមរាប: កាលពី​ថ្ងៃ​ទី​១០​ ខែកញ្ញា​ ឆ្នាំ​២០១៩​ វេលា​ម៉ោង​ ២០និង១៧​នាទី​យប់ នៅ​ចំណុច​ខាងជើង​ផ្លូវ​ចុះ​ ភូមិ​ភ្លួ​ង​ចម្ងាយ​ប្រហែល ​២០០​ម៉ែត្រ​ លើ​ផ្លូវ​ក្រាល​កៅស៊ូ​ ស្ថិត​​ក្នុងភូមិ​ភ្លុង​ ឃុំ​លាងដៃ​ ស្រុក​អង្គរធំ​ ខេត្តសៀមរាប​។​

លោក​វរសេនីយ៍ទោ​ ជ្រិញ​ គឹ​ម​នី​ អធិការ​នគរបាល​ស្រុក​អង្គរធំ​បាន​ឲ្យ​ដឹង​ថា​ករណី​គ្រោះថ្នាក់​ចរាចរណ៍​នេះ​បង្ក​ឡើង​រវាង​រថយន្ត​ ម៉ាក់​អ៊ី​ស៊ុ​យ​ស៊ុ​យ​ ពណ៌​ទឹកប៊ិច​ ពាក់​ស្លាក​លេខ​ សៀមរាប​ 2A-8754​ បើកបរ​ទិស​ដៅ​ពី​ជើង​ទៅ​ត្បូង​ បាន​បុក​ម៉ូតូ​ម៉ាក​ហុងដា​ឌ្រី​ម​ ពាក់​ស្លាក​លេខ​ សៀមរាប​ 1X-​ 2453​ ដែល​ជិះ​ឌុ​ក​គ្នា​០២​នាក់​ មាន​ទិស​ដៅ​ពី​ត្បូង​ទៅ​ជើង​ ​ក្រោយ​ពេល​កើតហេតុ​ អ្នកបើកបរ​រថយន្ត​បាន​រត់គេច​ខ្លួន​បាត់​។​

ក្នុង​ករណី​នេះ ​បណ្ដាល​ឲ្យ​ស្លាប់​មនុស្ស​ ២​នាក់​ អ្នកបើកបរ​ម៉ូតូ​ឈ្មោះ​ ឈិ​ន​ វន​ ភេទ​ប្រុស​ អាយុ​ ២៤​ឆ្នាំ​ រស់នៅ​ភូមិ​សំរោង​ ឃុំ​លាងដៃ​ ស្រុក​អង្គរធំ​ខេត្តសៀមរាប​ និង​អ្នក​រួម​ដំណើរ​ឈ្មោះ​ ភិន​ រ៉េ​ ភេទ​ប្រុស​ អាយុ​ ២៣​ឆ្នាំ​ រស់នៅ​ភូមិ​ឃុំ​ជាមួយ​គ្នា​ខាងលើ ស្លាប់ទាំង ២នាក់​។​

ក្រោយ​ពី​កើតហេតុ​កម្លាំង​សមត្ថកិច្ច​នគរបាល​ជំនាញ​ស្រុក​ បាន​ទៅ​ដល់​ពិនិត្យ​ដល់​កន្លែង​​វាស់វែង​ និង​បាន​ធ្វើ​កំណត់ហេតុ​ដកហូត​វត្ថុ​តាង​យក​មក​រក្សា​ទុក​នៅ​អធិការដ្ឋាន​នគរបាល​ស្រុក​អង្គរធំ​ ដើម្បី​អនុវត្ត​នីតិវិធី​បន្ត​ ចំណែក​សាកសព​ សមត្ថកិច្ច​ប្រគល់​ឲ្យ​ទៅ​ក្រុម​គ្រួសារ​ ដើម្បី​ធ្វើបុណ្យ​តាម​ប្រពៃណី។​

មូលហេតុ៖ ​គ្រោះថ្នាក់​នេះ​បណ្តា​មក​ពី​រថយន្ត​បើកបរ​ក្នុង​ល្បឿន​លឿន​ហើយ​មិន​ប្រកាន់​ស្តាំ​​ ៕

Leave a Reply

This site uses Akismet to reduce spam. Learn how your comment data is processed.