ផ្ទះ ព័ត៌មានជាតិ សាឡង់ដឹកប្រេង...

សាឡង់ដឹកប្រេង បើកប៉ះស្ពានបាឡេឬស្សីកែវ មិនទាន់ដឹងពេលណា អាជ្ញាធរ នឹងបើកឲ្យចរាចរណ៍ធម្មតាវិញទេ

0

ភ្នំពេញ: អាជ្ញាធររាជធានីភ្នំពេញ សម្រេចផ្អាកចរាចរណ៍ លើស្ពានដែកបាឡេឬស្សីកែវ ជាបណ្តោះអាសន្ន ដោយសារសាឡង់ដឹកប្រេងក្រុមហ៊ុន «សាវីមិច» បុកកាលពីរសៀលថ្ងៃម្សិលមិញ។

លោក សាំ ពិសិដ្ឋ ប្រធានមន្ទីរ សាធារណ:ការ និងដឹកជញ្ជូន រាជធានីភ្នំពេញ បានប្រាប់អ្នកសារព័ត៌មានថា នៅព្រឹកថ្ងៃទី១១ ខែកញ្ញា ឆ្នាំ២០១៩នេះ អាជ្ញាធរបានសម្រេចផ្អាកចរាចរណ៍ស្ពានដែកបាឡេឬស្សីកែវ ជាបណ្តោះអាសន្នសិន ដោយសារតែ មានសាឡង់ដឹកប្រេងបុកកាលពីយប់មិញ។

លោក សាំ ពិសិដ្ឋ បានបន្ថែមថា បច្ចុប្បន្នមន្ត្រីជំនាញ និងអាជ្ញាធរពាក់ព័ន្ ធកំពុងចុះពិនិត្យទីតាំងកើតហេតុ ដើម្បីរកឲ្យឃើញនូវការខូចខាត និងផលប៉ះពាល់។ នៅពេលពិនិត្យចប់អាជ្ញាធរ នឹងចេញសេចក្តីជូនដំណឹងជាផ្លូវការ ជម្រាបដល់សាធារណជន។

បើយោងតាមសេចក្តីរាយការណ៍បានឲ្យដឹងថា ស្ពានដែកបាឡេឬស្សីកែវ ត្រូវបានសាឡង់ដឹកប្រេងក្រុមហ៊ុន សាវីមិច បុកកាលពីរសៀលថ្ងៃទី១០ ខែកញ្ញា ឆ្នាំ២០១៩ម្សិលមិញ៕

មតិយោបល់