ភ្នំពេញៈ ជនសង្ស័យ០២នាក់ត្រូវបានកម្លាំងនគរបាលខណ្ឌសែនសុខសហការជាមួយកម្លាំងអន្តរាគមន៍ខណ្ឌឃាត់ខ្លួន ពាក់ព័ន្ធករណីរក្សាទុកថ្នាំញៀន ប្រភេទក្រាមសថ្លា០៣កញ្ចាប់តូច កាលពីវេលាម៉ោង១០៖០០នាទី នៅថ្ងៃទី២២ ខែកក្កដា ឆ្នាំ២០១៦ ស្ថិតនៅផ្លូវ២០០៤ ភូមិស្លែងរល្លើង សង្កាត់ទឹកថ្លា ខណ្ឌសែនសុខ។
ប្រភពព័ត៌មានពីសមត្ថកិច្ចបានប្រាប់ថា មុនឃាត់ខ្លួនបុរស០២នាក់ខាងលើ កម្លាំងសមត្ថកិច្ចដាក់គោលដៅត្រួតពិនិត្យច្បាប់ចរាចរណ៍ជើងគោកនៅចំណុចខាងលើ ស្រាប់តែឃើញបុរសទាំង០២នាក់ជិះម៉ូតូឌុបមិនពាក់មួកសុវត្តិភាព សមត្ថកិច្ចក៏ហៅត្រួតពិនិត្យ ដោយមានការសង្ស័យទៅលើបុរសទាំង០២នាក់ ទី១-ឈ្មោះ វ៉ាន់ វាសនា អាយុ៣២ឆ្នាំ ស្នាក់នៅភូមិគោកចំបក់សង្កាត់ចោមចៅ ខណ្ឌពោធិ៍សែនជ័យ។ ទី២-ឈ្មោះ ង៉ែត បូរិន អាយុ២២ឆ្នាំ មុខរបរកម្មកររោងចក្រ ស្នាក់ភូមិសង្កាត់ខាងលើជាមួយគ្នា ក៏ធ្វើការឆែកឆេររកឃើញមានថ្នាំញៀន០៣កញ្ចាប់នៅនិងហោប៉ាវខោបុរសទាំង០២នាក់ខាងលើ ក៏សមត្ថកិច្ចឃាត់យកមកប៉ុស្តិ៍ ដើម្បីសាកសួរ។
នៅចំពោះមុខសមត្ថកិច្ចជនសង្ស័យបានសារភាពថា ថ្នាំខាងលើនេះ ពិតជារបស់ខ្លួនមែន ដោយទិញមកពីរមុខមន្ទីរពេទ្យព្រះកុសុមះ ដើម្បីយកទៅប្រើប្រាស់។
បច្ចប្បន្ន ជនសង្ស័យ០២ទាំងនាក់ និងវត្ថុតាងខាងលើត្រូវបានសមត្ថកិច្ចនគរបាលប៉ុស្ដិ៍រដ្ឋបាលទឹកថ្លាធ្វើការសាកសួរ និងកសាងសុំរឿងបញ្ជូនទៅអធិការដ្ធាននគរបាលខណ្ឌសែនសុខដើម្បីចាក់ការបន្ត៕
មតិយោបល់