ផ្ទះ ព័ត៌មានជាតិ Update៖ រថយន្...

Update៖ រថយន្តក្រុមហ៊ុន Camel បើកបុកម៉ូតូទាំងព្រឹក បណ្ដាលរបួសមនុស្ស ៣នាក់ តៃកុងដាក់មេប្រូចបាត់

0

ភ្នំពេញ: នៅវេលាម៉ោង ០៨ និង១០នាទីព្រឹកទី២៣ ខែកញ្ញា ឆ្នាំ២០១៩ ត្រង់ចំណុចមុខច្រកចូលរោងចក្រស្រាបៀរកម្ពុជា លើផ្លូវ២១៧ ស្ថិតនៅភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ មានករណីគ្រោះថ្នាក់ចរាចរណ៍មួយ កើតឡើងរវាងរថយន្ត បុកនិងម៉ូតូ បណ្តាលឲ្យធ្ងន់ស្រាលមនុស្ស ៣នាក់ (ប្រុសម្នាក់) ត្រូវបានបញ្ជូនទៅសម្រាកព្យាបាល នៅមន្ទីរពេទ្យកាល់ម៉ែត។

រថយន្តបង្កម៉ាក ហ៊ីណូ ពណ៌ទឹកក្រូច ពាក់ស្លាកលេខ ភ្នំពេញ 5A-2821 របស់ក្រុមហ៊ុន Camel (អ្នកបើកបរពុំស្គាល់អត្តសញ្ញាណទេ គេចខ្លួនបាត់ បន្សល់ទុកតែរថយន្តនៅកន្លែងកើតហេតុ) ធ្វើដំណើរពីត្បូងទៅជើង។ មកដល់ចំណុចកើតហេតុ បុកចំពីក្រោយម៉ូតូមួយគ្រឿង ម៉ាក ហុងដា ស្គុបពី ពណ៌ខ្មៅ ពាក់ស្លាកលេខ ភ្នំពេញ 1HG-5411 បើកបរដោយឈ្មោះ វី ឆវ័ន្ត ភេទប្រុស អាយុ៣១ឆ្នាំ មុខរបរ អ្នកបើកបររថយន្ត មានទីលំនៅភូមិព្រែកប្រណាក់ សង្កាត់ជើងឯក ខណ្ឌដង្កោ ធ្វើដំណើរស្របទិសគ្នា បណ្តាលឲ្យដួលបោកតែម្តង (រងរបួសស្រាល) ។

ដោយទ្បែកអ្នករួមដំណើរម៉ូតូឈ្មោះ គឹម ពេជ្រដាលី ភេទស្រី អាយុ២៨ឆ្នាំ មុខរបរ ជាងអ៊ុតសក់ ស្នាក់នៅជាមួយគ្នា (របួសធ្ងន់) និងក្មេងស្រីឈ្មោះ វី គីមមួយ ភេទស្រី អាយុ៣ខែ ស្នាក់នៅជាមួយគ្នា (របួសធ្ងន់)

ករណីនេះ រថយន្តខូចខាតស្រាល និងម៉ូតូខូចខាតធ្ងន់។ មូលហេតុ៖ មកពីភាគីរថយន្ត បើកបរលឿនខ្វះការប្រុងប្រយ័ត្ន។

ក្រោយកើតហេតុ សមត្ថកិច្ច បានចុះវាស់វែង និងយកវត្ថុតាងទៅកាន់ការិយា ល័យចរាចរណ៍ ផ្លូវគោករាជធានីភ្នំពេញ ដើម្បីធ្វើការដោះស្រាយតាមនិតីវិធី៕

មតិយោបល់