កំពង់ស្ពឺៈ កាលពីថ្ងៃទី២៨ ខែកញ្ញា ឆ្នាំ២០១៩ កម្លាំងការិយាល័យនគរបាលព្រហ្មទណ្ឌកម្រិតធ្ងន់ បានស្រាវជ្រាវ ឃាត់ខ្លួនបក្ខពួកក្រុមជនល្មើស ដ៏ល្បីល្បាញចំនួន ០៣នាក់ និងដកហូតអាវុធAK ចំនួន០២ ដើមរួចហើយ។

ជនល្មើសឈ្មោះ ទេព និត ភេទប្រុស អាយុ៣៣ឆ្នាំ បក្ខពួកក្រុមចោរប្លន់ប្រើអាវុធ AK ដ៏ល្បីនៅឆ្នាំ២០១០ ក្នុងស្រុកបសេដ្ឋ ខេត្តកំពង់ស្ពឺ។

បន្ទាប់ពីបក្ខពួកក្រុមចោរនេះ បានធ្វើសកម្មភាពប្លន់ តែមិនបានសម្រេច នៅផ្ទះគ្រូបង្រៀន ស្ថិតក្នុងភូមិពោធិត្បែង ឃុំនិទាន ស្រុកបសេដ្ឋ ខេត្តកំពង់ស្ពឺ កាលពីថ្ងៃទី១២ ខែឧសភា ២០១០ ដោយអំទ្បុងពេលធ្វើសកម្មភាពនោះជន
ល្មើស បានច្រឡំបាញ់ត្រូវប្អូនខ្លួនស្លាប់ ហើយអូសសាកសពមកផ្ទះ៕