ផ្ទះ ព័ត៌មានជាតិ សូមឪពុកម្ដាយទ...

សូមឪពុកម្ដាយទាំងអស់ ប្រុងប្រយ័ត្នចំពោះកូនៗ! ក្មេងប្រុសអាយុ ១៣ឆ្នាំម្នាក់ យកកាំភ្លើងកែឆ្នៃដើរបាញ់សត្វ បែរជារាលកៃត្រូវខ្លួនឯងស្លាប់មួយរំពេច

0

កំពង់ធំ: កាលពីថ្ងៃទី៨ ខែតុលា ឆ្នាំ២០១៩ វេលាម៉ោង ១០ និង ៣៥នាទី នៅតំបន់បុស្សធំ ស្ថិតភូមិភ្លង ឃុំត្បែង ស្រុកកំពង់ស្វាយ ខេត្តកំពង់ធំ មានករណីក្មេងប្រុសម្នាក់ បានស្លាប់បាត់បង់ជីវិត ដោយសារកាំភ្លើងកែឆ្នៃ ។

ជនរងគ្រោះឈ្មោះ ម៉ឹង រ៉េ ភេទប្រុស អាយុ ១៣ឆ្នាំ រស់នៅភូមិ/ឃុំខាងលើ។

ដំណើររឿង៖ មុនពេលកើតហេតុ ជារៀងរាល់ថ្ងៃ ជនរងគ្រោះ និងបងប្អូនជីដូនមួយ តែងតែនាំគ្នាដើរបាញ់
សត្វដោយកាំភ្លើងខ្យល់ ដែលប្រើគ្រាប់កង់ លុះដល់វេលាកើតហេតុ ជនរងគ្រោះ បានកាន់កាំភ្លើងចេញពីរោងចាំចម្ការស្វាយចន្ទី ប្រហែល ៥០ម៉ែត្រ ក៏សប់ខ្យល់
បញ្ចូលគ្រាប់ រួចលីកាំភ្លើងដើរបន្តទៅមុខទៀត រហូតដល់ត្រង់ផ្លូវរទេះ មានត្រី ជនរងគ្រោះឲ្យកាំភ្លើងទៅប្អូនកាន់ម្តង គ្រាន់តែបានកាំភ្លើងមកភ្លាម ប្អូនជនរងគ្រោះ ក៏លើកលីដាក់លើស្មារ រីឯជនរងគ្រោះចុះចាប់ត្រី បន្ទាប់មកស្រាប់តែឮសូរសំទ្បេងកាំភ្លើងផ្ទុះ ពេលមើលកាណុងកាំភ្លើងឃើញមានផ្សែងហុយ ខណ:ជនរងគ្រោះដួលផ្ងារ បាត់មាត់ឈឹង បីនាក់បងប្អូនបាននាំគ្នាលើកជនរងគ្រោះពីក្នុងទឹក រំពេចនោះឈ្មោះ អ៊ី ភេទប្រុស រស់នៅភូមិអូរអំបែង ឃុំត្បែង ស្រុកកំពង់ស្វាយ ខេត្តកំពង់ធំ បានដឹកជនរងគ្រោះទៅមន្ទីរពេទ្យ តែអកុសលជនរងគ្រោះ ដាច់ខ្យល់ស្លាប់នៅតាមផ្លូវ បន្ទាប់មកទើបរាយការណ៍ ជូនសមត្ថកិច្ចឲ្យបានដឹង។

ក្រោយកើតហេតុ មន្ត្រីជំនាញបានចុះទៅធ្វើកោសល្យវិច័យ ឃើញមានស្លាកស្នាមរបួសនៅលើកញ្ចឹង.ក ខាងក្រោយ មានស្នាមរបួសមុតចូលសាច់ទំហំ
១ស.ម ហើយពុំមានពាក់ព័ន្ធនឹងអំពើឃាតកម្មអ្វីឡើយ ពោលជនរងគ្រោះស្លាប់ ដោយសារត្រូវគ្រាប់កង់ប្រាកដមែន និងបានប្រគល់សពជូនគ្រួសារយកទៅធ្វើបុណ្យតាមប្រពៃណី៕

Loading...

Leave a Reply

This site uses Akismet to reduce spam. Learn how your comment data is processed.