ផ្ទះ ព័ត៌មានជាតិ Update៖ មន្ត្...

Update៖ មន្ត្រីកងរាជអាវុធហត្ថក្រុងភ្នំពេញម្នាក់ ត្រូវរថយន្តបុកស្លាប់

0

ភ្នំពេញ: កាលពីវេលាម៉ោង ២ និង៥០នាទីរំលងអធ្រាត្រ ឈានចូលថ្ងៃទី១៦ ខែតុលា ឆ្នាំ២០១៩ ស្ថិតនៅជិតផ្សារបេសេចាស់ ផ្លូវ៣៧១ សង្កាត់ចាក់អង្រែលើ ខណ្ឌមានជ័យ មានករណីគ្រោះថ្នាក់ចរាចរណ៍ រវាងម៉ូតូ និងរថយន្ត បណ្ដាលឲ្យស្លាបមនុស្សម្នាក់។

ជនរងគ្រោះឈ្មោះ ម៉ែន លីដា ភេទប្រុស អាយុ៣១ឆ្នាំ មុខរបរមន្ត្រីកងរាជអាវុធហត្ថក្រុងភ្នំពេញ ស្នាក់នៅភូមិត្រពាំងក្រសាំង សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើតភូមិតាជៃ ឃុំជ្រៃលាស់ ស្រុកពញាឮ ខេត្តកណ្ដាល ជិះម៉ូតូម៉ាកយ៉ាម៉ាហា QBIX ពណ៌ទឹកប្រាក់។

ដំណើររឿង៖ មនុស្សពេលកើតហេតុ គេឃើញជនរងគ្រោះ ជិះម៉ូតូតាមផ្លូវខាងលើ មកដល់ចំណុចកើតហេតុ ក៏ត្រូវរថយន្តកាម៉ារីបាឡែនមួយគ្រឿង ពាក់ស្លាកលេខ ភ្នំពេញ 2BC-8136 វាជែងខ្វះការប្រុងប្រយ័ត្ន ជ្រុលទៅបុក បណ្តាលឲ្យអ្នកជិះម៉ូតូខ្ទាតបោកនឹងថ្នល់ស្លាប់ភ្លាមៗ ចំណែកម៉ូតូខ្ទាតជិត១០០ម៉ែត្រ។

ភ្លាមៗនោះ អ្នកបើករថយន្តបង្ក បានព្យាយាមបើករត់គេចខ្លួនបាត់ តែត្រូវបានកម្លាំងល្បាតប្រទះឃើញ យករថយន្តទៅផ្លុងចោល នៅមុខផ្សារប៉េស្សេ៕

Loading...

Leave a Reply

This site uses Akismet to reduce spam. Learn how your comment data is processed.