ព្រៃវែងៈ នាថ្ងៃទី២៤ ខែតុលា ឆ្នាំ២០១៩ វេលាម៉ោង ១៨ និង ៣៥នាទី មានករណីគ្រោះថ្នាក់ចរាចរណ៍មួយកើតឡើង តាមបណ្ដោយផ្លូវជាតិលេខ 8A ចន្លោះបង្គោលគីឡូម៉ែត្រលេខ100-101 ស្ថិតភូមិដូនកឹង ឃុំដូនកឹង ស្រុកកំចាយមារ ខេត្តព្រៃវែង ។
ជនរងគ្រោះឈ្មោះ ពេជ វ៉ាន់នឿន ភេទប្រុស អាយុ ៣៨ ឆ្នាំ រស់នៅភូមិកែវស្នា ឃុំកែវស្នា ស្រុកមេសាង ខេត្តព្រៃវែង។
ដំណើររឿង៖ នៅវេលាខាងលើ មានរថយន្ត១គ្រឿងម៉ាក ឡិចស៊ីស ពណ៌ទឹកមាស ពាក់ស្លាកលេខ ភ្នំពេញ 2Z-8283 បើកបរដោយជនមិនស្គាល់អត្តសញ្ញាណ មកដល់ចំណុចកើតហេតុ បានវ៉ាជែងរថយន្តខាងមុខ បណ្ដាលឲ្យជ្រុលចង្កូតទៅបុកម៉ូតូមួយគ្រឿងម៉ាក សង់ ពណ៌ព្រីងទុំ គ្មានស្លាកលេខ ទិសដៅបញ្ច្រាសគ្នា បណ្ដាលឲ្យស្លាប់នឹងកន្លែងកើតហេតុ បន្ទាប់ពីបុករួចជនបង្កបានបើករថយន្តគេចខ្លួន ឆ្ពោះទៅទិសខាងលិច។ លុះដល់វេលាម៉ោង ១៩ និង ២៥នាទី រថយន្តត្រូវបានសមត្ថកិច្ចឃាត់ ត្រង់ចំណុចផ្សារពានា រីឯអ្នកបើកបររត់គេចខ្លួនបាត់។
ក្រោយកើតហេតុ សមត្ថកិច្ច បានយកវត្ថុតាងទៅរក្សាទុកនៅប៉ុស្តិ៍នគរបាលរដ្ឋបាលដូនកឹង ខណៈប្រគលសពឲ្យគ្រួសារយកទៅធ្វើបុណ្យតាមប្រពៃណី៕
មតិយោបល់