ផ្ទះ ព័ត៌មានជាតិ ព័ត៌មានបន្ថែម...

ព័ត៌មានបន្ថែម៖ ដឹងការពិតហើយ! គ្រូបង្រៀនម្នាក់ មានវិបត្តិផ្លូវចិត្ត ទៅរកសង្សារដល់បន្ទប់ជួល តែមិនឃើញ ក៏គិចខ្លី…

0

ភ្នំពេញ: កាលពីវេលាម៉ោង៨ និង២០នាទីយប់ថ្ងៃទី៣០ ខែតុលា ឆ្នាំ២០១៩ ត្រង់ចំណុចបន្ទប់ជួលលេខ4Eo ផ្លូវបេតុងក្នុងភូមិព្រែកខ្វិត សង្កាត់ព្រែកលាភ ខណ្ឌជ្រោយចង្វារ រាជធានីភ្នំពេញ មានករណីយុវជនម្នាក់ បានធ្វើអត្តឃាតសម្លាប់ខ្លួនឯង បន្ទាប់ពីរកសង្សារដល់បន្ទប់តែមិនឃើញ បូករួមនឹងមានវិបត្តិផ្លូវចិត្តផងនោះ។

សពជនរងគ្រោះឈ្មោះ ង៉ែត ភារ័ត្ន ភេទប្រុស អាយុ២៦ឆ្នាំ មុខរបរជាគ្រូកីឡាករអត្តពលកម្ម មានស្រុកកំណើត នៅភូមិកំពង់បឹង ឃុំកំពង់លាវ ស្រុកកំពង់លេង ខេត្តកំពង់ឆ្នាំង បានយកកំណាត់សំពត់ ចង.កភ្ជាប់នឹងទ្វារសម្លាប់ខ្លួន នៅបន្ទប់ជួលលេខ4Eo ទីតាំងខាងលើ រីឯសង្សារឈ្មោះ រ័ត្ន ស្រីយ៉ា ហៅអារីយ៉ា។

តាមសម្ដីអ្នកដែលឃើញហេតុការណ៍ បានប្រាប់ឲ្យដឹងថា ដំបូងឡើយគេឃើញ បុរសខាងលើ ជិះម៉ូតូធុនធំ ពណ៌ក្រហម មកដល់បន្ទប់ជួលរបស់សង្សារ។ ប៉ុន្តែបន្ទប់ចាក់សោពីខាងក្រៅ ខណ:នោះជនរងគ្រោះ បានអាសោរចូលទៅក្នុងបន្ទប់ ដោយយកស្រាបៀរ Anchor មកផឹកអស់ពីរបីកំប៉ុង ហើយក៏បានស្ងាត់បាត់ឈឹងទៅ ។ ក្រោយមក ម្ចាស់ផ្ទះជួលបានមកអើតមើលក្នុងបន្ទប់ ស្រាប់តែឃើញ ស្លាប់ក្នុងសភាពចង.កបាត់ទៅហើយ រួចក៏ទៅរាយការណ៍ប្រាប់សមត្ថកិច្ច។

ក្រោយទទួលបានដំណឹង សមត្ថកិច្ចជំនាញកោសល្យវិច័យ បានចុះមកពិនិត្យ រួចសន្និដ្ឋានថា ករណីនេះ ពិតជាការធ្វើអត្តឃាតមែន រួចក៏ប្រគល់សពឲ្យក្រុមគ្រួសារ យកទៅឯស្រុកកំណើត ធ្វើបុណ្យតាមប្រពៃណី៕

Loading...

Leave a Reply

This site uses Akismet to reduce spam. Learn how your comment data is processed.