បាត់ដំបងៈ ប្រជាពលរដ្ឋប្រទះឃើញសពបុរសមិនស្គាល់អត្តសញ្ញាណម្នាក់ក្នុងទឹកអូរ កាលពីវេលាម៉ោង៦និង២៣នាទីល្ងាចថ្ងៃទី២៥ ខែកក្កដា ឆ្នាំ២០១៦ នៅចំណុចអូរតាឆុន ស្ថិតក្នុងភូមិចក្រី ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។

ប្រភពពីសមត្ថកិច្ចបានឲ្យដឹងថា ជនរងគ្រោះជាអ្នកចំណាក់ស្រុកមករកស៊ីធ្វើកម្មករចំការឲ្យគេ ហើយតាមការសន្ឋិដ្ឋានរបស់សមត្ថកិច្ចថា ជនរងគ្រោះអាចស្លាប់ដោយសារខ្យល់គរ បណ្ដាលឲ្យធ្លាក់ទឹកអូរស្លាប់តែម្តង។

សមត្ថកិច្ចបានអំពាវនាវបើបងប្អូនណាស្គាល់អត្តសញ្ញាណជនរងគ្រោះដូចក្នុងរូបនេះ ឬបាត់សមាជិកគ្រួសារ សូមទំនាក់ទំនងមកអធិការដ្ឋាននគរបាលស្រុកភ្នំព្រឹក៕