ផ្ទះ ព័ត៌មានជាតិ ទៀតហើយ! កឺកឺម...

ទៀតហើយ! កឺកឺមួយក្រុម ជិះរថយន្តឆក់កាបូបលុយជនជាតិឥណ្ឌូនេស៊ី​ ហើយគេចបាត់ដោយសុវត្ថភាព

0

កណ្ដាល:​ ​ កាលពី​វេលា​ម៉ោង ​៣ ​និង​ ១៥​នាទីយប់ ​ថ្ងៃ​ទី​៣​ ខែធ្នូ​ ឆ្នាំ​២០១៩ យោងតាមផេក អគ្គស្នងការដ្ឋាននគបាលជាតិ បានឲ្យដឹងថា មានករណីជនជាតិចិនមួយក្រុមបើករថយន្តកៀម៉ូតូកង់បី ហើយធ្វើសកម្មភាពឆក់កាបូប ត្រង់ចំណុចផ្លូវជាតិលេខ២១​ ស្ថិតនៅភូមិ​ព្រែក​ស៊ឹង​ ឃុំ​សំពៅ​ពូន​ ស្រុក​កោះធំ​ ខេត្តកណ្ដាល​។​

ជន​រង​គ្រោះ​ឈ្មោះ​ DAViD​ ភេទ​ប្រុស​ ជនជាតិ​ឥណ្ឌូ​នេ​ស៊ី មុខរបរ បុគ្គលិកកាស៊ីណូហ្ក្រេនដ្រាហ្គនរីសត​ កាន់​លិខិតឆ្លងដែន​លេខ​ C.296772 ស្នាក់​នៅផ្ទះ​ជួល​ ភូមិ​ជ្រៃ​ធំ​ ឃុំ​សំពៅ​ពូន​ ស្រុ​កោះធំ​ ខេត្តកណ្តាល។

សម្ភារ:បាត់បង់៖
-ប្រាក់ដុល្លារ ៥០០០​ដុល្លារ​
-ទូរស័ព្ទ​ដៃ​ចំនួន​៣​គ្រឿង។

ដំណើររឿង៖ មុនពេលកើតហេតុ ជនរងគ្រោះនិងមិត្តភក្ដិ បានបបួលគ្នាជិះកង់បីទៅច្រៀងខារ៉ាអូខេ នៅភូមិ​ព្រែក​ស៊ឹង​ ឃុំ​សំពៅ​ពូន​ យីហោ​១៦៨ ខណ:មកដល់ចំណុចកើតហេតុស្រាប់តែមានរថយន្ត១គ្រឿងម៉ាក ស្តារិក បើកពីក្រោយរួចកៀម៉ូតូកង់បីដែលជនរងគ្រោះជិះឲ្យឈប់ ដោយមានមនុស្សប្រុស៣នាក់និយាយភាសាចិន ធ្វើសកម្មភាពឆក់យកកាបូបលុយជនរងគ្រោះ ហើយបើករថយន្តសម្ដៅទៅរាជធានីភ្នំពេញគេចខ្លួនបាត់ លុះព្រឹកឡើងជនរងគ្រោះក៏ទៅដាក់ពាក្យបណ្ដឹងនៅ ប៉ុស្តិ៍នគរបាលរដ្ឋបាលដើម្បីឲ្យសមត្ថកិច្ចជួយអន្តរាគមន៍។

ក្រោយទទួលបានព័ត៌មាន សមត្ថកិច្ចបានធ្វើការស្រាវជ្រាវរកជនសង្ស័យ ដើម្បីចាត់ការតាមនីតិវិធី៕

មតិយោបល់

Loading...