ព័ត៌មានជាតិ

មេឃត្រជាក់ផង លោកមេប៉ុស្តិ៍បឹងកេងកងទី២ សង្ស័យលង់លក់ដំដេកមួយភ្លែត ជនសង្ស័យគាស់ផ្ទះពលរដ្ឋអស់ជាង ២,០០០ដុល្លារ

ភ្នំពេញ: នៅវេលាម៉ោង ១និង០០នាទីរំលងអធ្រាត្រឈានចូលថ្ងៃទី៧ ខែធ្នូ ឆ្នាំ២០១៩ ស្ថិតតាមបណ្តោយផ្លូវលេខ១០៥ ក្បែរនឹងផ្លូវលេខ២៩២ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ មានករណីចោរគាស់បន្ទប់ជួលចំនួន ៣ជាប់ៗគ្នា អស់ជាង ២,០០០ដុល្លារ គេចខ្លួនទៅបាត់ស្រមោល។

ដំណើររឿង៖ យោងតាមប្រភពព័ត៌មានពីពលរដ្ឋក្បែរខាងបានឲ្យដឹងថា មុនពេលកើតហេតុគាត់ទើបតែចេញពីធ្វើការវិញ ហើយដើរឡើងលើផ្ទះ ខណ:នោះក៏ក្រឡេកឃើញក្រុមចោរ លើកទូរទស្សន៍ចុះទៅក្រោម ពេលឡើងទៅមើលនៅជាន់ទី៣ ឃើញបន្ទប់ចំនួន ៣ជាប់គ្នា ត្រូវបានចោរគាស់លួចយកសម្ភារ: និងវត្ថុមានតម្លៃជាច្រើនទៅបាត់ រួចទាក់ទងប្រាប់ម្ចាស់ផ្ទះ និងម្ចាស់បន្ទប់ ជាង ២ម៉ោងក្រោយមកទើបឃើញសមត្ថកិច្ច​ ចុះសួរនាំ និងប្រាប់ឲ្យជនរងគ្រោះទៅដាក់ពាក្យបណ្ដឹងនៅប៉ុស្តិ៍តែម្ដង។

ទ្រព្យសម្បតិ្តដែលបាត់បង់ដោយចោរលួចគាស់បន្ទប់ជួលនោះរួមមាន៖
-នាឡិកា
-ទូរទស្សន៍
-លុយ
-សរុបទៅជាង ២ពាន់ដុល្លារ។

សូមបញ្ជាក់៖ ករណីខាងលើនេះ ធ្វើឲ្យប្រជាពលរដ្ឋក្នុងខណ្ឌបឹងកេងកង ទើបតែបង្កើតថ្មីផងបែរជាមានជនសង្ស័យធ្វើសកម្មភាពគាស់ លួចសម្ភារ:អស់ជាច្រើនធ្វើឲ្យពួកគាត់មានការព្រួយបារម្ភក្នុងមូលដ្ឋាន កុំទុកឲ្យគាត់រិះគន់ទើបទប់ស្កាត់ពេលក្រោយ។ ប្រហែលជាមេឃត្រជាក់ផង សង្ស័យលោកមេប៉ុស្តិ៍បឹងកេងកងទី២ កំពុងតែលង់លក់ក្នុងដំដេករបស់គាត់ បានជាលោកចោរហ៊ានធ្វើសកម្មភាពគាស់ផ្ទះប្រជាពលរដ្ឋអស់ជាង ២,០០០ដុល្លារ៕

មតិយោបល់