ផ្ទះ ព័ត៌មានជាតិ នគរបាល​ឃាត់ខ្...

នគរបាល​ឃាត់ខ្លួន​មនុស្ស ​៣​នាក់​ ករណីចុះបង្ក្រាប​ទីតាំង​កត់​ឆ្នោត​កន្ទុយលេខ​ ២​កន្លែង

0

កំពង់ចាម: នៅ​ថ្ងៃទី​១៧ ខែធ្នូ ឆ្នាំ​២០១៩ វេលា​ម៉ោង ​១៥និង​៣០​នាទី បន្ទាប់ពី​ទទួលបាន​ពត៌មាន​ពី​ប្រជាពលរដ្ឋ​ភ្លាម លោក​ ឯម កុសល ស្នងការ​នគរបាល​ខេត្តកំពង់ចាម បាន​បញ្ជា​ដល់​កម្លាំង​ជំនាញ​របស់​ផែន​ការងារ​នគរបាល​ព្រហ្មទណ្ឌ សហការ​ជាមួយ​កម្លាំង​អធិការដ្ឋាន​នគរបាល​ស្រុក​កងមាស កម្លាំង​របស់​ប៉ុស្តិ៍នគរបាល​រដ្ឋបាល​រកាអារ ប៉ុស្តិ៍នគរបាល​រដ្ឋបាល​សូ​គង និង​អាជ្ញាធរ​មូលដ្ឋាន ដឹកនាំ​ដោយ​លោក ថា​ញ់ សុខ​វុន ឋាន: នាយការិយាល័យ​នគរបាល​ព្រហ្មទណ្ឌ​កម្រិត​ស្រាល ចុះបង្ក្រាប​ករណី បើក និង​លេង​ល្បែងស៊ីសង​ខុសច្បាប់ (លក់​ឆ្នោត​វៀតណាម) ចំនួន​០២​ទីតាំង ចាប់​ឃាត់ខ្លួន​មុខសញ្ញា​ចំនួន​០៣​នាក់​គឺ ៖
១-​ករណី បើក និង​លេង​ល្បែងស៊ីសង​ខុសច្បាប់ (​លក់​កន្ទុយ​លេខឆ្នោត​វៀ​ត​ណា​ម​) នៅ​ចំណុច​ភូមិ​ព្រែក​លីវ​ទី​១ ឃុំ​រកាអារ ស្រុក​កងមាស ខេត្តកំពង់ចាម ឃាត់ខ្លួន​មុខសញ្ញា​ចំនួន​០១​នាក់ ឈ្មោះ ឯម សុ​ភ័​ណ្ឌ ភេទ​ស្រី អាយុ​៥០​ឆ្នាំ ជាតិខ្មែរ មាន​ទីលំនៅ​ភូមិ​ព្រែក​លីវ​ទី​១ ឃុំ​រកាអារ ស្រុក​កងមាស ខេត្តកំពង់ចាម ដកហូត​វត្ថុតាង​មួយចំនួន​រួមមាន ៖
-​សៀវភៅ​កត់​លេខឆ្នោត​ចំនួន​០៣​ក្បាល​
-​ក្រដាស់​កត់​កន្ទុយលេខ​ឆ្នោត ចំនួន​០២​សន្លឹក​
-​ម៉ាស៊ីន​គិត​លេខ ចំនួន ០១
-​ទូរស័ព្ទដៃ​ម៉ាក​ចុច​ពិល ចំនួន​០១​គ្រឿង ពណ៌​ខៀវ​
-​ប្រាក់រៀល​ចំនួន ១០៨.៩០០​រៀល (​ដប់​ម៉ឺន​ប្រាំបី​ពាន់​ប្រាំបួន​រយ​រៀល​) ។​

២-​ករណី​បើក និង​លេង​ល្បែងស៊ីសង​ខុសច្បាប់ (​លក់​កន្ទុយ​លេខឆ្នោត​វៀ​ត​ណា​ម​) នៅ​ចំណុច​ភូមិ​បឹង​ត្រាវ ឃុំ​សូ​គង ស្រុក​កងមាស ខេត្តកំពង់ចាម ឃាត់ខ្លួន​មុខសញ្ញា ចំនួន​០២​នាក់​គឺ ៖ ១-​ឈ្មោះ ម៉ៅ ស្រ៊ាង ភេទ​ស្រី អាយុ​៤១​ឆ្នាំ ជាតិខ្មែរ មាន​ទីលំនៅ​ភូមិ​បឹង​ត្រាវ ឃុំ​សូ​គង ស្រុក​កងមាស ខេត្តកំពង់ចាម និង​ដកហូត​វត្ថុតាង​រួមមាន ៖
-​ប៊ិក​ចំនួន​០២​ដើម​
-​តារាង​កត់​កន្ទុយលេខ​ឆ្នោត​ចំនួន​០១​សន្លឹក​
-​ក្រដាស់កាតុង​មួយចំនួន​
-​សៀវភៅ​កត់​កន្ទុយ​លេខឆ្នោត​វៀត​ណា​ម ចំនួន​០១​ក្បាល​
-​កាបូបស្ពាយ​ពណ៌​ខៀវ​ចំនួន​០១
-​ប្រាក់រៀល​ចំនួន ៦១០,០០០​រៀល (​ប្រាំមួយ​សែន​មួយ​ម៉ឺន​រៀល​)
-​ប្រាក់​ដុល្លារ​ចំនួន​៣០​ដុល្លារ (​សាមសិប​ដុល្លារ​អាមេរិក​) ។​

២-​ឈ្មោះ រ៉េត គឹម​ហ៊ាន់ ភេទ​ស្រី អាយុ​ ៤២​ឆ្នាំ ជាតិខ្មែរ មាន​ទីលំនៅ​ភូមិ​បឹង​ត្រាវ ឃុំ​សូ​គង ស្រុក​កងមាស ខេត្តកំពង់ចាម និង​ដកហូត​វត្ថុតាង​រួមមាន៖
-​កាបូបស្ពាយ ពណ៌​ខៀវ ចំនួន​០១
-​ក្រដាស់កាតុង​កត់​កន្ទុយ​លេខឆ្នោត​វៀតណាម​មួយ​ចនួន​
-​ទូរស័ព្ទដៃ​ម៉ាក ហូ​វៃ ពណ៌​ខ្មៅ ចំនួន​០១
-​ប៊ិក ចំនួន​០៣​ដើម​
-​ប្រាក់​ដុល្លា ចំនួន​៥០​ដុល្លា​(​ហាសិប​ដុល្លា​អាមេរិក​)
-​ប្រាក់រៀល​ចំនួន ២២៨.០០០​រៀល​(​ម្ភៃ​ពីរម៉ឺន​ប្រាំបី​ពាន់​រៀល​) ។​

​បច្ចុប្បន្ន ជនសង្ស័យ​ទាំង​០៣​នាក់ រួម​នឹង​វត្ថុតាង​ខាងលើ ត្រូវបាន​សមត្ថកិច្ច​នាំ​មកកាន់​ស្នងការដ្ឋាន​នគរបាល​ខេត្តកំពង់ចាម ដើម្បី​កសាង​សំណុំរឿង​តាម​នីតិវិធី តាម​បញ្ជា​របស់លោក ហួត វុទ្ធី ព្រះរាជអាជ្ញា​អម​សាលាដំបូង​ខេត្តកំពង់ចាម ៕

មតិយោបល់