ព្រះសីហនុៈ នៅថ្ងៃទី ១៩ ខែធ្នូ ឆ្នាំ២០១៩ វេលាម៉ោង៩ និង ៣០ នាទី កម្លាំងជំនាញផែននគរបាលព្រហ្មទណ្ឌនៃស្នងការដ្ឋាននគរបាលខេត្តព្រះសីហនុ កំពុងល្បាតតាមផ្លូវដល់ម្ដុំផ្សារពាណិជ្ជកម្ម ពេលនោះមានជនជាតិចិនម្នាក់កំពុងជិះម៉ូតូនិយាយទូរស័ព្ទ ស្រាប់តែមានជនសង្ស័យចំនួន ០២នាក់ ជិះម៉ូតូ ០១គ្រឿង ពណ៌ខ្មៅបានធ្វើសកម្មភាពឆក់ទូរស័ព្ទដៃរបស់ជនជាតិចិន ហើយភ្លាមនោះសមត្ថកិច្ចបានធ្វើការដេញប្រផិតចាប់ប្រផីងជនសង្ស័យទាំង ០២ នាក់នោះ រហូតដល់ចំណុចមហោរស្របចាស់ ស្ថិតនៅភូមិ២ សង្កាត់២ ក្រុង-ខេត្តព្រះសីហនុ សមត្ថកិច្ចក៏បានកៀម៉ូតូជនសង្ស័យទាំង ០២ នាក់ ។សមត្ថកិច្ចធ្វើការឃាត់ខ្លួនបានជនសង្ស័យម្នាក់ ចំណែកម្នាក់ទៀតបានរត់គេចបាត់ ។

ជនរងគ្រោះឈ្មោះ SHANG WEI ភេទប្រុស អាយុ ៣៨ឆ្នាំ ជនជាតិចិន កាន់លិខិតឆ្លងដែនលេខ E82039615 មុខរបរ កម្មករសំណង់ ស្នាក់នៅភូមិ១ សង្កាត់៣ ក្រុង-ខេត្តព្រះសីហនុ ។
សម្ភារៈបានបង់រួមមាន ៖
ទូរស័ព្ទដៃ ចំនួន០១ គ្រឿងម៉ាក VIVO ពណ៌ខ្មៅ ។

ជនសង្ស័យដែលចាប់បានមានឈ្មោះ ភា សុធារ៉ា អាយុ ១៩ ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅ ភូមិអណ្ដូងថ្ម ឃុំវាលរេញ ស្រុកព្រៃនប់ ខេត្តព្រះសីហនុ ។
វត្ថុតាងចាប់យកបានរួមមាន ៖
ទូរស័ព្ទដៃ ចំនួន០១ គ្រឿងម៉ាក VIVO ពណ៌ខ្មៅ ។
ម៉ូតូ ០១ គ្រឿងម៉ាក HONGDA(WINNER) ពណ៌ខ្មៅគ្មានស្លាកលេខ ( ជាមធ្យោបាយធ្វើសកម្មភាព ) ៕