ផ្ទះ ព័ត៌មានជាតិ សាហាវណាស់! មា...

សាហាវណាស់! មាន​ជម្លោះ​ពា​ក្យសំដី​ក្នុងពេល​ផឹកស៊ី ទាញ​កាំបិត​កាប់​ស្លាប់​ម្នាក់​ នៅស្រុកមង្គលបូរី

0

បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរស​ម្នាក់​បាន​រងរ​បួស​ធ្ងន់ធ្ងរ​ រហូត​បា​ត់​បង់ជីវិត​ក្នុងពេល​សង្គ្រោ​មន្ទីរពេទ្យ បន្ទាប់ពី​ត្រូវ​ភាគី​គូ​ជម្លោះ​ក្នុង​វង់​ផឹកស៊ី​កាប់​ប្រហារ​នឹង​កាំបិត ។​

ជនរងគ្រោះឈ្មោះ ហេង តូច អាយុ ​៣០​ឆ្នាំ នៅ​ភូមិ​គោក​ព្នៅ ឃុំបន្ទាយ​នាង ស្រុក​មង្គល​បូរី ខេត្តបន្ទាយមានជ័យ ។
​ជនដៃដល់​ឈ្មោះ អាត់ ចន្ទ្រា ភេទ​ប្រុស អាយុ ​២៦​ឆ្នាំ មាន​ប្រពន្ធ​នៅ​ភូមិ​គោក​ព្នៅ ឃុំ​បន្ទាយ​នាង ស្រុក​មង្គល​បូរី ស្រុកកំណើត​នៅ​ភូមិដង្កោរ​ពេន ឃុំ​ព្រៃ​ខ្ពស់ ស្រុក​ប​វេ​ល ខេត្តបាត់ដំបង ។

នេះ​បើតាម​ការ​ឲ្យ​ដឹង​ពី​លោក​លោក​វរសេនីយ៍ឯក ស៊ិន ណារ៉ាក់ អធិការនគរបាល ស្រុក​មង្គល​បូរី នៅ​ថ្ងៃទី​២១ ខែធ្នូ ឆ្នាំ​២០១៩ ។​ ​លោក​អធិការ​បាន​បន្តថា នៅវេលា​ម៉ោង​ ១៩​និង​៣០​នាទី ថ្ងៃទី​២០ ខែធ្នូ ឆ្នាំ​២០១៩ ជនរងគ្រោះ​និង​ជនដៃដល់​បាន​ផឹ​ស៊ី​ជាមួយគ្នា នៅក្នុង​ភូមិ​អូរ​ធំ ឃុំ​បន្ទាយ​នាង ហើយ​បាន​ទាស់​ពា​ក្ស​សំដី​គ្នា​យ៉ាងខ្លាំង ពេលនោះ​ជនដៃដល់​បាន​យក​កាំបិត​កាប់​ទៅលើ​ជនរងគ្រោះ​ ត្រូវចំ​ក្បាល ថ្ពាល់ ភ្នែក និង​ធ្លាយ​បំពង់ក បណ្តាល​ឲ្យ​រងរបួស​ធ្ងន់ ត្រូវបាន​អ្នកជិតខាង ​និង​សាច់ញាតិ​ដល់​យកមក​ជួយសង្គ្រោះ ពេលមកដល់​មន្ទីរពេទ្យ​រយ:ពេល​១​ម៉ោង​បាន​ស្លាប់ ។ ចំណែក​ជនសង្ស័យ​ក្រោយពី​ធ្វើសកម្មភាព​រួច​បានរ​ត់​គេចខ្លួនបាត់ ។​

​លោក​វរសេនីយ៍ឯក ស៊ិន ណារ៉ាក់ បាន​បញ្ជាក់ថា ទាក់ទិន​នឹង​ករណី​ឃាតកម្ម​នេះ លោក​ឧ​ត្ត​សេនីយ៍​ទោ អាត់ ខែម ស្នងការ​នគរបាល​ខេត្ត បានដាក់​បទបញ្ជា​ដល់​កងកម្លាំង​នគរបាល ស្រុក​មង្គល​បូរី ត្រូវធ្វើ​ការ​តាម​ប្រ​ម៉ាញ់​ចាប់យក​ជនដៃដល់​ឈ្មោះ​អាត ចន្ទ្រា យកមក​ផ្តន្ទាទោស​តាមច្បាប់​ឲ្យ​ខាងតែបាន​៕

មតិយោបល់