ផ្ទះ ព័ត៌មានជាតិ ស្រ្តីម្នាក់ប...

ស្រ្តីម្នាក់បើកម៉ូតូឆ្លងផ្លូវមិនប្រយ័ត្ន ត្រូវម៉ូតូ១គ្រឿងទៀតបុកពេញទំហឹង បណ្ដាលឲ្យមនុស្សចំនួន៦នាក់រងរបួស

0

កណ្ដាល: កាលពីវេលាម៉ោង ៣ និង១៥នាទីរសៀល ថ្ងៃទី២២ ខែធ្នូ ឆ្នាំ២០១៩ មានម៉ូតូ២គ្រឿងពន្លះគ្នា ត្រង់ចំណុចមុខផ្ទះ ប៉ាត់ ប៉ុន លើកំណាត់ផ្លូវលេខ ៣៨០ ស្ថិតភូមិក្តីកណ្តាល ឃុំសារិកាកែវ ស្រុកល្វាឯម ខេត្តកណ្តាល។

ដំណើររឿង៖ មុនពេលកើតហេតុ មានម៉ូតូមួយគ្រឿងម៉ាក Honda Dream C125 ពណ៌ខ្មៅ ស៊េរីឆ្នាំ២០១៩ ពាក់ស្លាកលេខ ភ្នំពេញ 1HK-9943 បើកបរដោយឈ្មោះ បាន ធី ភេទស្រី អាយុ ៤២ ឆ្នាំ មុខរបរ កសិករ មានទីលំនៅ ភូមិ ក្តីកណ្តាល ឃុំ សារិកាកែវ ស្រុកល្វាឯម ខេត្ត កណ្តាល (របួសធ្ងន់)​ រួមដំណើរដោយឈ្មោះ សយ សុធន ភេទប្រុស (របួសស្រាល) សយ សភាព ភេទប្រុស (របួសធ្ងន់)សយ មិនា ភេទ ប្រុស (របួសស្រាល) អ្នកទាំងបីជាកូនរបស់អ្នកបើកបរ ទិសដៅពីកើតទៅលិចក្នុងគោលបំណងឆ្លងផ្លូវតែមិនទាន់បានឆ្លងផង ក៏មានម៉ូតូមួយគ្រឿងទៀតម៉ាក Honda Dream C125 ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ កណ្តាល 1Y-5476 ធ្វើដំណើរបញ្ជា្រសទិសគ្នា បើកបរដោយឈ្មោះ រំ គង់ស្រ៊ុន ភេទប្រុស អាយុ ២៤ ឆ្នាំមុខរបរ កម្មករសំណង់ មានទីលំនៅភូមិ វាលធំ ឃុំ ពាមឧកញ៉ាអុង ស្រុក ល្វាឯម ខេត្ត កណ្តាល ( របួសធ្ងន់) រួមដំណើរដោយឈ្មោះ វៃ រ៉ាវី ភេទប្រុស អាយុ ១៤ ឆ្នាំ មុខរបរ កម្មករសំណង់ មានទីលំនៅភូមិ/ឃុំរួមគ្នា(របួសស្រាល)។

ក្រោយកើតហេតុ សមត្ថកិច្ចបានចុះដល់ទីតាំង ធ្វើការវាស់វែងយកវត្ថុតាងទៅរក្សាទុកនៅប៉ុស្តិ៍នគរបាលរដ្ធបាលសារិកាកែវ ដើម្បីរងចាំការដោះស្រាយតាមនីតិវិធី ចំណែកជនរងគ្រោះបញ្ជូនទៅព្យាបាលនៅមន្ទីរ៕

មតិយោបល់