ប៉ៃលិនៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីវេលាម៉ោង ៧ និង ៣៥នាទីយប់ ថ្ងៃទី២៨ ខែធ្នូ ឆ្នាំ២០១៩ កម្លាំងជំនាញឃាត់ខ្លួនជនសង្ស័យចំនួន២នាក់ ពាក់ព័ន្ធករណីរក្សាទុកសារធាតុញៀន ត្រង់ចំណុចជិតស្ពានអូរតាប្រាង ស្ថិតក្នុងភូមិខ្លុង សង្កាត់អូរតាវ៉ៅ ក្រុង/ខេត្តប៉ៃលិន។
ជនសង្ស័យចំនួន២នាក់រួមមាន៖
១/ឈ្មោះ ឈុន ម៉ៅ ភេទស្រី អាយុ ៤២ ឆ្នាំ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (អ្នករក្សាទុក)។
២/ឈ្មោះ យី ម៉ាប់ ភេទប្រុស អាយុ ៥៨ ឆ្នាំ មុខរបរ ធ្វើចំការ រស់នៅភូមិខ្លុង សង្កាត់/ក្រុង/ខេត្តប៉ៃលិន (ម្ចាស់ផ្ទះ)។
វត្ថុតាងដកហូតបាន៖
-ម្ស៉ៅក្រាមពណ៌សថ្លា (ម៉ាទឹកកកICE) ចំនួន២៥កញ្ចប់ (២កញ្ចប់ធំ និង២៣កញ្ចប់តូច)
-ជញ្ជីងសម្រាប់ថ្លឹងសារធាតុញៀន០១គ្រឿង
-ថង់សម្រាប់ច្រកមួយចំនួន។
បច្ចុប្បន្នជនសង្ស័យត្រូវសមត្ថកិច្ចបញ្ជូនទៅកាន់ស្នងការដ្ឋាននគរបាលខេត្តប៉ៃលិន ដើម្បីចាត់ការតាមនីតិវិធី៕
មតិយោបល់