កំពង់ធំៈ ផ្ទុះជម្លោះក្រោយពេលផឹកស៊ីបុរសម្នាក់ទាញកាំបិតកាប់ប្រពន្ធ និងបុរសម្នាក់ រងរបួសធ្ងន់វេលាម៉ោង៧និង៥០នាទីយប់ថ្ងៃទី២៧ ខែកក្កដា ឆ្នាំ២០១៦ នៅត្រង់ចំណុចភូមិគគីជួ ឃុំតាំងក្រសាំង ស្រុកសន្ទុក ខេត្តកំពង់ធំ។

ជនសង្ស័យឈ្មោះ យៀប ឌី ភេទប្រុស អាយុ២៩ឆ្នាំ នៅភូមិគគីជួ ឃុំតាំងក្រសាំង ស្រុកសន្ទុក ខេត្តកំពង់ធំ។ ជនរងគ្រោះទី.ឈ្មោះ ហៀង ឡៃហ៊ីន ភេទស្រី អាយុ៣០ឆ្នាំ នៅភូមិឃុំជាមួយគ្នា (ត្រូវជាប្រពន្ធជនសង្ស័យ) របួសកែងដៃស្ដាំ។ ទី២.ឈ្មោះ ចាន់ សុខជា ភេទប្រុស អាយុ២៨ឆ្នាំ នៅភូមិប្រមូល ឃុំទទឹងស្រុកឈូក ខេត្តកំពត បច្ចុប្បន្នជាកម្មកររោងចក្រទឹកកក ដែលស្ថិតនៅភូមិសំពុង ឃុំប្រាសាទ ស្រុកសន្ទុកខេត្តកំពង់ធំ(របួសកែងដៃឆ្វេង)។

ក្រោយកើតហេតុត្រូវបានកម្លាំងនគរបាលជំនាញនៃអធិការដ្ឋាននគរបាលស្រុកសន្ទុកឃាត់ខ្លួនយកមកកាន់អធិការដ្ឋាន ដើម្បីកសាងសំណុំរឿងតាមនីតិវិធី៕