ព័ត៌មានបច្ចេកវិទ្យា

ចំនួនអ្នកប្រើ Facebook កើនដល់ ១,៧ពាន់លាននាក់ ស្មើនឹង ១ភាគ៧ នៃប្រជាជនទូទាំងពិភពលោក

អាមេរិក៖​ ថ្មីៗនេះ លោក Mark Zuckerberg ទើបតែប្រកាសឲ្យដឹងថា​ ការបង្ហោះសាកល្បងនៃ​យន្តហោះ​ដើរដោយថាមពលព្រះអាទិត្យ ដែលមានមុខងារចែកចាយអ៊ីនធើណែតនោះ ទទួលបានជោគជ័យ

ប៉ុន្តែនៅពេលនេះ លោកទទួលបានដំណឹងល្អមួយបន្ថែមទៀត។

តាមរយ:សារដែលបានបង្ហោះនៅលើ Facebook Page ផ្ទាល់ខ្លួនរបស់លោក Mark Zuckerberg សហស្ថាប​និក និងជានាយកប្រតិបត្តិនៃបណ្ដាសង្គមយក្ស Facebook បានឲ្យដឹងថា នៅពេលនេះ ចំនួន​អ្នក​ប្រើបណ្ដាញសង្គម Facebook បានកើនដល់ ១,៧ពាន់លាននាក់ ស្មើនឹង ១ភាគ៧ នៃប្រជាជនទូទាំងពិភពលោក។

ជាមួយគ្នានោះដែរ មហាសេដ្ឋីបោះបង់ការសិក្សាមួយនេះ ក៏បានរំលេចឲ្យដឹងផងដែរថា ចំនួនអ្នកប្រើប្រាស់ Facebook Messenger កើនដល់ ១ពាន់លាននាក់ ខណ:ចំនួនអ្នកប្រើ WhatsApp បានកើនឡើងដល់ ១ពាន់លាននាក់ និង​ចំនួនអ្នកប្រើបណ្ដាញសង្គមរូបភាព Instagram បានកើនដល់ ៥០០លាននាក់។

គួរបញ្ជាក់ផងដែរថា ប៉ុន្មានឆ្នាំចុងក្រោយនេះ ចំនួនអ្នកប្រើប្រាស់ Facebook បានកើនឡើងដល់គំហុក ជាពិសេសគឺកម្មវិធី WhatsApp តែម្ដង៕

facebook17

មតិយោបល់