ផ្ទះ ព័ត៌មានជាតិ ផ្អើលពេញផ្លូវ...

ផ្អើលពេញផ្លូវ! ប៉ូលិសក្លែងក្លាយ ស្លៀកពាក់ស៊ីវិល គាបស៊ីយុវជនម្នាក់ ត្រូវសមត្ថកិច្ចឃាត់ខ្លួន

0

ភ្នំពេញ: បុរសម្នាក់ស្លៀកពាក់ស៊ីវិល ហើយអះអាងថាខ្លួនជាសមត្ថកិច្ច ខាងពន្លត់អគ្គិភ័យ ប៉ងចង់វាយខ្នោះលើយុវជនម្នាក់
បង្កឲ្យមានការភ្ញាក់ផ្អើលពេញផ្លូវបឹងកក់ ក៏ត្រូវសមត្ថកិច្ចឃាត់ខ្លួន យកទៅសួរនាំនៅប៉ុស្តិ៍រដ្ឋបាលស្រះចក។

ហេតុការណ៍នេះ បានកើតឡើងកាលពីវេលាម៉ោង ៩ និង ៣០នាទីយប់ថ្ងៃទី៦ ខែមករា ឆ្នាំ២០២០ តាមបណ្តោយផ្លូវR6 ត្រង់ចំណុចបឹងកក់ ស្ថិតក្នុងសង្កាត់ស្រះចក ខណ្ឌដូនពេញ។

តាមប្រភពព័ត៌មានបានឲ្យដឹងថា មុនពេលកើតហេតុ គេឃើញយុវជនម្នាក់ឈ្មោះ នី ភេទប្រុស អាយុ២០ឆ្នាំ ស្នាក់នៅមិនពិតប្រាកដ បានដើរតែម្នាក់ឯង មកពីម្ដុំក្តាន់ពីរ រហូតដល់ចូល ក្នុងបឹងកក់ផ្លូវR6 ត្រង់ចំណុចកើតហេតុ ស្រាប់តែលេចមុខបុរសម្នាក់ មិនស្គាល់អត្តសញ្ញាណ ពាក់អាវស៊ីវិល ជិះម៉ូតូម៉ាកវីវ៉ា ពណ៌ខ្មៅ គ្មានស្លាកលេខ បានធ្វើដំណើរមកស្រែក ឲ្យយុវជនខាងលើឈប់ ប៉ងចង់វាយខ្នោះថែមទៀត ដោយអះអាងថា ខ្លួនជាប៉ូលិសខាងអគ្គិភ័យ បានចោទយុវជនខាងលើ មានថ្នាំញៀនបោះចោលតាមផ្លូវ ទើបបង្កឲ្យមានការភ្ញាក់ផ្អើល ទៅដល់សមត្ថកិច្ចប៉ុស្តិ៍ស្រះចក ចុះមកអន្តរាគមន៍ នាំខ្លួនទៅសួរនាំនៅប៉ុស្តិ៍ស្រះចកតែម្តង។

ក្រោយកើតហេតុ ជនស៊ីវិល ត្រូវបានសមត្ថកិច្ចឃុំខ្លួនជាបណ្តោះអាសន្ន នៅប៉ុស្តិ៍រដ្ឋបាលនគរបាលស្រះចក ដើម្បីចាត់ការទៅតាមនិតិវិធីផ្លូវច្បាប់៕

មតិយោបល់