​ព្រះសីហនុ: នៅរសៀលថ្ងៃទី២៧ ខែកក្កដា ឆ្នាំ២០១៦នេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុបានចែកសម្លៀកបំពាក់ការពារទឹកភ្លៀងចំនួន៤០កំផ្លេ ជូនកម្លាំងនគរបាលល្បាត ដើម្បីប្រើប្រាស់ការពារទទឹកភ្លៀងនៅពេលចេញប្រតិបត្តិការ។

លោកស្នងការបានបញ្ជាក់ថា សម្លៀកបំពាក់នេះ លោកបានកុំម៉ង់ពីរោងចក្រ នៅប្រទេសថៃ មានគុណភាពល្អ ងាយស្រួលក្នុងការប្រើប្រាស់ ពេលជិះម៉ូតូ ល្បាតដោយមិនបារម្ភខ្លាចមានគ្រោះថ្នាក់ ដោយសារតែក្រណាត់កៅស៊ូចូលច្រវាក់ម៉ូតូទៀតឡើយ។

សូមបញ្ជាក់ថា សម្លៀកបំពាក់ការពារទឹកភ្លៀងនេះលោកស្នងការបានកុំម៉ង់មកចំនួន២០០កំផ្លេ ដើម្បីចែកជូនមន្ត្រីប្រតិបត្តិការ ហើយថ្ងៃនេះបានចែកជូនកម្លាំងម៉ូតូល្បាត ដើម្បីប្រើប្រាស់មួយជំហានសិន៕